João 2:25 - Ritonõpo Omiry: A Bíblia Sagrada na língua Aparai do Brasil

²⁵ Imehnomo a tururu se pyra roropa kynexine, ahno kurohtao zuaro toexiryke.

João 2:25 ပူးပေါင်းရင်းမြစ်များ

1 Tuisa 8:39

toto otururu etako. Kapu ao opoetory tõ omiry etako, iirypyrykõ ikorokako, toto akorehmako. Omoro rokẽ ahno kurohtao aosenetupuhtoh waro mase. Zae epehmako toto, inyrihpyry epehpyryme,

Izaja 11:3

Ritonõpo omipona toehtoh sehxo exĩko mana. Mame zae pyra aexityã apiakaryhtao eya mokaro eneryke rokẽ tonuru ke anapiakara mana, aomiry etaryke roropa typanary ke onymenekara roropa mana.

Mateu 9:4

Yrome mokaro a typoihtory waro Jezu kynexine. Morara exiryke ynara tykase ynororo: — Juaro pyra oexirykõke ykerekeremãko matose okurohtao xine.

João 1:42

Morarame Ximão tarose zakorony a Jezu enese. Mame Ximão eneryhtao ynara tykase Jezu eya: — Ximão mase, João mũkuru. Tyoro oesehpãko ase, Peturume, tykase Jezu eya. (“Peturu” kary “topu” kary.)

João 1:47

Natanaeu oepyry eneryhtao tyya, ynara tykase Jezu: — Izyraeu paryme nymyry mahno, ajoajohpe pyra exikety mahno, tykase Jezu eya.

João 13:11

Towokane waro toexiryke morara tykase Jezu: “Aepytyã sã matose. Toiro mose tyyrypyry onurumekara tokurehse nase. Epypỹ saaro nase,” tykase Jezu eya xine.

João 6:61

Tõmiry poihtory waro Jezu kynexine, kara ro mokaro ahtao eya. Morara exiryke ynara tykase ynororo eya xine: — Poremãnõko matohu jomiry etaryke oya xine? Poremãpyra ehtoko.

João 6:64

Yrome toitoine ro matose jenetupuhpyra, tykase. Apitoryme ro tonetupuhpynõ waro Jezu kynexine. Towokane waro roropa kynexine.

Teuteronomiu 31:21

Morara exiryke tuãnohsẽme exĩko mã toto ya, popyra ehtoh toehse ahtao toto pona, mame sero eremiatoh ke eremiãko ro mã toto, enetupuhpotohme, zae pyra toto ehtopõpyry poko. Seromaroro toto anaropyra ro jahtao moro nono ynekarory pona ynetapohpyry ae ro, toto osenetupuhtoh ritohme moro nono po zuaro ase.