João 19:7 - Ritonõpo Omiry: A Bíblia Sagrada na língua Aparai do Brasil

⁷ Ynara tykase juteu tomo: — Yna tamuru omihpyry poe aorikyry se ynanase. Ritonõpo mũkurume tõsekarose exiryke aorihmapory se ynanase.

João 19:7 ပူးပေါင်းရင်းမြစ်များ

Izaja 53:4

“Yrome ahnome toehse ynororo sam katohme kymyakãkõme, kuetuarimatohkõ toanahtose eya kukurãkatohkõme, sam kara kuehtohkõme. Yrome: ‘Mokyro wãnohnõko Ritonõpo mana iirypyry epehpyryme, morara exiryke etuarimãko mana, tyyryhmase Ritonõpo a exiryke,’ tokarose kyya xine repe.

Rewitiku 24:16

Taorihmaposẽme exĩko mana imoihmãkomo a topu tõ ke. Izyraeume exiketyme ahtao te, imepỹ nono põme ynororo ahtao otara kara; popyra Ritonõpo esety tyripose ahtao taorihmaposẽme exĩko mana.

Maku 15:39

Morarame soutatu tõ esẽ Jezu ẽpataka kynexine. Jezu a komihkakepyry eneryke tyya ynara tykase ynororo: — Ajohpe pyra ro rukuh Ritonõpo mũkurume nexiahse, tykase ynororo.

João 19:8

Morara kary etaryke tyya Pirato tõserehse itamurumehxo mokaro omiry etaryke tyya.

João 5:18

Morara kary etaryke tyya xine juteu tõ esã Jezu etapary se toehse yronymyryme oseremara Jezu exiryke oserematoh ae, tumyme Ritonõpo tokarose eya exiryke roropa. Morara exiryke Ritonõpo mũkurume aosekaroryke eya Jezu etapary se toehse juteu tõ tuisary tomo.

Atos 18:13

Ynara tykase toto: — Mose Ritonõpo poko tyoro sã amorepato, kuesẽkõ omipona pyra kuehtohkõme, tykase toh repe.

Romanos 1:4

Ritonõpome roropa tyyrypyhpyke pyra ipunaka. Tumũkurume Jezu Kyrixtu exiry poko kutuarõtanohpotone tyjamitunuru ke. Tumũkuru ẽsemãkapone ropa Ritonõpo aorihxĩpo.

Teuteronomiu 18:20

— Yrome urutõ otururuhtao jomiry ekaroryme samo mokyro anaropopyra jahtao, orihnõko mana. Morararo urutõ otururuhtao ritõ panõ omiry ekaroryme taorihmaposẽme exĩko mokyro mana.