João 19:5 - Ritonõpo Omiry: A Bíblia Sagrada na língua Aparai do Brasil

⁵ Naeroro tutũtase Jezu tuhpõke, omoxino risẽ ke. Tupoke kurã ke roropa kynexine. — Mose ro ynoro. Enetoko ke, tykase Pirato eya xine.

João 19:5 ပူးပေါင်းရင်းမြစ်များ

Izaja 40:9

Omoro, omi kurã ekaroneme mase Jerusarẽ põkomo a, onuhko ypy kaetoko ehtoh pona; omoro, omi kurã ekaroneme Xião põkõ netaryme, opore omi kurã ekaroko. Ihximyra exiko Juta patary põkõ zuruko, ynara kaxiko opore: “Ritonõpo Oesẽkõ oehnõko mana.”

Izaja 43:1

Yrome seromaroro Ritonõpo, Orihpono, ynara ãko Izyraeu a: “Enaromyra exiko, opynanohnõko ase; kykohmase oesety ae, ypoetoryme mase.

Izaja 7:14

Naeroro typoero Ritonõpo enetupuhpotoh ekarõko oya xine mana: oryximã, orutua maro exipitopỹ, poetoẽme exĩko mana, emũkuãko mana orutuame, mame esehpãko mana Emanueume (Ritonõpo kymaro xine mana.)

Ramẽtasão 1:12

Ikuroko ytoketomo a Jerusarẽ põkõ ynara ãko: “Kuenetoko ke! Imehnõ etuarimapitopyra nexiase jetuarimary saaro. Zehno toehse toehtoh po tuãnohse ywy Ritonõpo a sero samo.

Mateu 27:29

Mame parimã sã tyrihpyry omoxino risẽ tyrise zupuhpyry pokona. Mara pitiko tyrise eya xine emahpokoxi tuisame sã Jezu ekarotohme tyya xine. Mame Jezu ẽpataka typorohse toto tosekumurukõ po eunohtohme rokẽ tyya xine. Mame ynara tykase toto eya: — Tuisa, juteu tõ esẽme mase, tykase toto.

João 1:29

Yrokokoro Jezu oepyry tonese João a. Ynara tykase ynororo: — Kaneru mũkuru kurã etapãko mã toto Ritonõpo maro oturuketomo. Yrome Ritonõpo nymenekahpyry mose ro, kaneru mũkuru sã mose orihnõko mana, nono põkõ rypyry korokatohme.

João 19:2

Mame omoxino risẽ tyrise zuhpokoxi parimã sã tyrihpyry soutatu tomo a: “Tuisame mase,” katohme tyya xine. Eunohtohme rokẽ tyrise eya xine. Mame upo ke kurã ke tupohtose eya xine roropa.

Epereu 12:2

Osenetupuhkehpyra sehtone Jezu poko. Jezu poe Ritonõpo enetupuhnõko sytatose Kuesẽkõme. Osemazuhme kukurãkanekõme toehse ynororo. Kuakorehmatorỹko roropa mana tonetupuhkehpyra kuehtohkõme myarotokorõmero. Mame wewe pokona toxixihmapory se pyra kynexine. Tounopyry se pyra roropa kynexine. Yrome poremãpyra kynexine. Tãkye imeĩpo toexiry waro toexiryke: “Oty kara,” tykase toorikyry poko wewe pokona. Seromaroro tuisame imehxo mana Ritonõpo Kutuisarykõ maro. Typorohse mana Ritonõpo maro, Ritonõpo apotunuru wino.