João 19:39 - Ritonõpo Omiry: A Bíblia Sagrada na língua Aparai do Brasil

³⁹ Mame Joze maro Nikotemu kynexine. Jezu ekepyry arotozome kynexine. Nikotemu mokyro, pake orihpyra ro Jezu ahtao koko aytohpyry Jezu enese. Mokyro a tauku panõ tarose, 35 kirume, ixtaratume otoxie mira, aroe tõ maro.

João 19:39 ပူးပေါင်းရင်းမြစ်များ

Jenexi 50:2

Mame tumy ekepyry pona opi tyripose opi warõkomo a, motara ehtohme, okyna ehtohme.

2 Koronika 16:14

Ekepyry tonẽse kynexine zonẽtoh tao topu oramao, inaxikapohpyry ao tykyryryme Tawi patary po. Ixtaratu te kanera kehko roropa tyrise eya xine ekepyry maro zonẽtoh taka. Mame apoto konõto tyrise eya xine tuisamehxo aehtopõpyry enetupuhpotohme tyya xine.

Saumu 45:8

Ixtaratu kurã nae nase oupõ poko, mira te, aroe tomo, enara. Eremiatoh etõko mã toto onetaryme tuisa tapyĩ tõ konõto tao, maafim ke emeporyme.

Porowepio 7:17

Ixtaratu ke jynyhtoh typoxine tyrise ya: mira ke, aroe ke, kanera ke, enara.

Kãtiku 1:13

Mokyro ypyno exikety typoxine mira sã mana, aoseremaryhtao ymanatyry tõ po.

Kãtiku 4:14

asaparão nae, kanera te, jasamĩ ezuezumano, emero rokẽ typoxine exiketomo, ixtaratu maro, mira te, aroe te, imehnõ otyro roropa typoxine exiketomo.

Kãtiku 4:6

Ytõko ase ypy mira pona, ypy ixtaratu tõ pona, ẽmehpyra ro ahtao saereme ehtoh exipitoryhtao.

Mateu 12:20

Pitiko zemime toehse nãparina ahtao onezehkapopyra ynororo mana, amoriry etahkasẽ anaorihmapopyra mana tomeseke. Tyyrypyrykõke iporemãtyã pitiko zemime exikety sã mana. Mokaro pynanohnõko mana. Etuarimaketõ pynanohnõko roropa mana pitiko rokẽ enetuputyryhtao ro eya xine. Toto zehno pyra exĩko mana. Toto akorehmãko roropa mana itamurumehxo tonetupuhtohme toto a. Orẽpyra exikehpyra ynororo mana. Zae pyra ehtoh enahkapõko roropa mana.

Mateu 19:30

— Mame tuisamehxo exiketõ tuhke tuisame pyra exĩko mana. Morararo tuisame pyra exiketõ tuhke tuisame exĩko mana, tykase Jezu toto a.

Mateu 2:11

Mame tapyi taka toytose toto. Moro tao enurusenã tonese eya xine tyse enao, Maria enao. Mame tosekumurukõ po typorohse toto Jezu ẽpataka, “Kure mase imehxo” katohme tyya xine eya. Mame typakarãkõ ae tynekarorykõ touse eya xine ekarotohme eya. Uuru te, ixtaratu te, imepỹ ixtaratu mira roropa, enara touse kehko eya xine tynekarorykõme eya.

Maku 16:1

Morotoino oserematoh tõtyhkase ahtao ixtaratu topekahse toto a okepy popatohme, Maria Matarena a, Sarome a, Maria Tiaku eny a. Enara ixtaratu epekatyhpõkõ kynexine.

João 12:3

Morarame Maria a ixtaratu tapoise typyne exikety, meio riturume naratu kurã risemy. Jezu pupuru pona moro tukuãse eya. Ipupuru tykorokase ropa tũsety ke eya. Typoxine itamurume toehse tapyi tao.

João 12:7

Ynara tykase Jezu eya: — Ah keh nyrino. Jekepyry popatoh kuhnõko mana.