João 19:3 - Ritonõpo Omiry: A Bíblia Sagrada na língua Aparai do Brasil

³ Morarame eya tooehse toto, imehnõ soutatu tõ tooehse. — Tuisa konõto, juteu tõ tuisary, tykase toto Jezu a, ipoihtõko rokẽ toh kynexine. Morarame tõtãtãmase eya xine tomarykõ ke.

João 19:3 ပူးပေါင်းရင်းမြစ်များ

Mateu 26:49

Morarame Jezu a toytose ynororo topohme. Ynara tykase ynororo Jezu a: — Oehno kẽ tuisa, tykase taomirose eya. Typohse roropa eya.

Mateu 27:29

Mame parimã sã tyrihpyry omoxino risẽ tyrise zupuhpyry pokona. Mara pitiko tyrise eya xine emahpokoxi tuisame sã Jezu ekarotohme tyya xine. Mame Jezu ẽpataka typorohse toto tosekumurukõ po eunohtohme rokẽ tyya xine. Mame ynara tykase toto eya: — Tuisa, juteu tõ esẽme mase, tykase toto.

Maku 15:18

Morarame taomikase eya xine, ynara tykase: — Oehno kene, tamuxi. Juteu tõ tuisaryme exikehpyra exiko! tykase toto Jezu a.

Ruka 1:28

Morarame nohpo a toytose Ritonõpo nenyokyhpyry. — Oehno kene! tykase. — Oserehpyra ke exiko orymo. Kuesẽkõ amaro mana, kure rokẽ oriry se mana. Opyno mana, tykase ynororo eya.

João 18:22

Morarame Jezu omiry etaryke tyya tõtãmase soutatu a. — Ritonõpo maro oturuketõ tuisary onypoihtopyra exiko, tykase ynororo Jezu a.

João 18:33

Tapyi taka toytose ropa Pirato. Ynara tykase ynororo Jezu a: — Juteu tõ tuisaryme mahno? kynako kynoturupone Jezu a.