João 18:20 - Ritonõpo Omiry: A Bíblia Sagrada na língua Aparai do Brasil

²⁰ Ynara tykase Jezu eya: — Jarao rokẽ uruase toto, atamorepatoh tao, Ritonõpo Tapyĩ tao amorepasene toto, juteu tõ oximõtoh tao, enara. Tonesẽme rokẽ amorepase toto.

João 18:20 ပူးပေါင်းရင်းမြစ်များ

Saumu 22:22

Mame wekyry tõ zurũko ase onyrityã poko; oeahmãko ase toto rãnao, oximõme toto ahtao:

Saumu 40:9

Ritonõpo, opoetory tõ oximõmãkõ ẽpataka õmiry kurã ekaroase yna pynanopyry poko oya. Moro omi kurã onekarokehpyra ase, zuaro mase.

Izaja 45:19

Tokare pyra oturupyra exiase, otonẽpyra exiase xinukutumao, ynara kara exiase Izyraeu tomo a: ‘Kuupitoko ahno esao pyra.’ Ywy Ritonõpo, zae rokẽ oturuase, jomiry zae ehtoh enetupuhtoko zae rokẽ exiryke.”

Izaja 48:16

Seromaroro, osehtoko xiaro jomiry etatohme: apitorymã poe jarao oturuase, otonẽpyra, tokare pyra oturupyra exiase. Mame emero tyrise ya jomihpyry ae ro.” (Seromaroro Tuzenu tokarose Ritonõpo a ya, mame tonyohse ywy.)

Mateu 24:26

— Morarame ynara ãko imehnõ mã oya xine: “Enetatoko mokyro, ahno esao pyra mana. Ritonõpo nenehpohpyry mokyro,” ãko toh mã repe. Morotona ytopyra ehtoko. Mame ynara karyhtao roropa oya xine: “Enetoko ke, taro nase. Tõtonẽse rokene,” karyhtao oya xine ajohpe rokẽ toh mana.

Mateu 26:55

Mame ynara tykase Jezu imoihmãkomo a: — Oty katohme tytapemake moehtou? Tykaparuke roropa moehtou? Japoiry se matose zehnoto apoiry samo. Yrome kokoro rokẽ yporotyasene Ritonõpo Tapyĩ tao. Kokoro rokẽ amorepato exiasene roropa. Oty katoh pake ro japoipyra mexiatose?

Mateu 26:65

Morara kary etaryke tyya tupõ tyxihxihkase Ritonõpo maro oturuketõ tuisary a. — Epo hnae, tykase ynororo. — Epyrypãko rokẽ mose mana. Ritonõpo mũkurume osekarõko mana. Popyra mose nase ipunaka. Imehnõ se pyra sytatose mose hxironeme. Seromaroro aomiry kahpyry metatou.

Mateu 4:23

Morarame Karirea poro toytoryme Jezu a imehnõ tamorepase eya. Toto atamorepatoh tao tamorepase toto eya Ritonõpo omiry kurã poko, toto esẽme Ritonõpo exiry poko, enara. Mame tuhke kurãkõkara tukurãkase ropa eya.

Mateu 9:35

Morarame pata tõ poro toytose Jezu. Morotõkõ tamorepase eya. Toto atamorepatoh tao tamorepase toto eya Ritonõpo omiry kurã poko, toto esẽme Ritonõpo exiry poko, enara. Mame emero tukurãkase ropa toh eya.

Maku 8:32

Zae tõturuse ynororo eya xine. Mame Peturu a tarose ynororo mya zupokatohme repe.

Ruka 21:37

Morarame Ritonõpo maro Oturutoh tao toto amorepary poko kohmãse Jezu. Moromeĩpo ytose ynororo ypy pona, Oriwera tõ pona.

Ruka 4:15

Jutea tõ atamorepatoh tao tamorepase toto eya. — To! Kure rukukuh mose amorepato nahe? tykase toto, Jezu etananõ emero.

João 18:21

Morara exiryke oty katoh oturupõko mah ya. Jetahpõkomo a ekaropoko ynamorepatopõpyry poko. Jomihpyry waro mã toto, totase tyya xine exiryke, tykase Jezu eya.

João 6:59

Morara tykase Jezu eya xine toto amoreparyme, juteu tõ atamorepatoh tao, Kapanaũ po. (“Upũ tonahse oya xine ahtao” kary, “Tonetupuhse oya xine jahtao” katopo. “Umunuru enyryhtao oya xine” kary roropa, “Tonetupuhse oya xine jahtao” katoh sero. Yrome juteu tõ esã onenetupuhpyra moro poko toh kynexine.)

João 7:14

Morarame otuhtoh konõto irãnaka toehse ahtao, Jezu toytose Ritonõpo Tapyĩ taka ahno amorepase.

João 7:26

Enetoko ke totasẽme rokẽ oturũko mana. Yrome imehnõ mã onyhxiropyra. Ajohpe pyra hnae, tuisa tõ mose ro enetupuhnõko nah Ritonõpo nymenekahpyryhme?

João 7:28

Morarame toto amoreparyhtao Ritonõpo Tapyĩ tao ynara tykase Jezu opore: — Juaro nymyry hmatohu? Joehtopõpyry waro roropa hmatou ipunaka? Jamoreme oehpyra exine. Jenehpohpõ mã zae rokẽ exikety mokyro. Yrome zuaro pyra matose.

João 7:4

— Oty katoh taro rokẽ otonẽnõko mahno kure oexiry ekãtopory se awahtao? tykase toto, typoihtose eya xine.

João 8:2

Sã, yrokokoro toytose ropa ynororo Ritonõpo Tapyĩ taka. Imoihmãkõ tõximõse ahtao Jezu typorohse, toto amorepatohme.

João 8:26

— Tuhke nae ro ase otuarõtanohtohkomo. Tuhke roropa ohxirorykõ se jahtao kyhxirotory, tuhke oorypyrykõ exiryke. Yrome ohxiropyra xine ase. Jenehpohpõ omiry ekarõko rokẽ ase oya xine. Zae ynororo, tykase Jezu eya xine.

Atos 26:26

Akyripa a ynara tykase Pauru: — Tuisa Akyripa, jomiry metano? Sero poko tuaro mase tokare Jezu exiryke. Morara exiryke ihximyra oturuno oya.