João 16:21 - Ritonõpo Omiry: A Bíblia Sagrada na língua Aparai do Brasil

²¹ Nohpo ke mana enurusasaka tahtao tãkye pyra mana aporo sam karyke tyya. Yrome tonuruse poeto ahtao toetuarimatopõpyry poko axĩ wenikehnõko ropa mana. Tãkye rokẽ exĩko mana poeto eneryke tyya.

João 16:21 ပူးပေါင်းရင်းမြစ်များ

Jenexi 3:16

Nohpo a ynara tykase Ritonõpo: — Itamurumehxo etuarimãko mase poetoẽme awahtao, opoenõ enururuhtao oxietũtõko mase. Morara ahtao ro onio poko penetãko ro mase. Oesẽme exĩko roropa mana.

Jo 11:16

Wenikehnõko mase oetuarimatopõpyry poko, zueme tuna ehtopõpyry samo. Tãpaise ropa ahtao axĩ tuenikehse ropa mana.

Saumu 113:9

Nohpo, emũkuapỹ ãkyemapõko mana imehxo tytapyĩ tao, tãkye mokyro ripõko mana, imũkuru tõ ekarõko eya mana. “Kure mase, Ritonõpo,” kahtoko!

Izaja 13:8

Oserehnõko mã toto. Sam ãko mã toto xitãko roropa nohpo samo aenururuhtao. Oseya rokẽ enẽko mã toto takorehmanekõ zupĩko repe, enaromỹke ipunaka. Ẽmytykõ kamirarame exĩko toehxirorykõke.

Izaja 21:3

Moro enepohpyry pokoino enaromỹke toehse ywy, juakuru jetũ toehse, sam ãko exiase nohpo enururu jetũ ehtoh samo. Ypanary otatõkara sã toehse sam karyke ya; jenuru onetõkara sã toehse jamihme pyra toehse jexiryke.

Izaja 66:7

“Ypatary kurã nohpo sã mana axĩ tonuruse ahtao jetũ exipyra ahtao ro.

Mikeja 4:10

Jerusarẽ, sam kahtoko, kui kahtoko nohpo samo aenururuhtao jetũ toehse ahtao; apatary põkõ tũtãko mã toto ona po ehtohme. Imeĩpo ytõko mã toto Papironia pona. Yrome moroto opynanohtorỹko Ritonõpo mana oepetõkara winoino.

Mikeja 4:9

Jerusarẽ, oty katohme xitãko mah nohpo samo aenururuhtao jetũ toehse ahtao? Tutuisake pyra toehse matou? Tamorepaneke pyra roropa hmatou?

Karaxia 4:27

Ynara ãko Ritonõpo omiry: “Kuku, emũkuapitopyra mase repe. Yrome tãkye exiko. Poetoẽme exipitopyra mase repe. Yrome tãkye exiko. Onio nurumekahpyryme mase repe. Yrome tumũkue exiketyme exĩko mase tuhke. Tynio maro exikehpyra exikety motye emũkuãko mase. Naeroro tuhke opoenõ emamyryke tãkye exiko,” tykase Ritonõpo. Moro tymerose Izaja a pake.

1 Tesaronika 5:3

Ynara karyhtao eya xine: “Emero kure sytatose,” ãko toh mã repe, tuaro pyra toexirykõke. Yrome axĩ toto etuarimatoh oehnõko mana. Atarypõko mã toto, nohpo oxietũtopitory samo. Toepatohkõ zupĩko mã toh repe.