João 13:19 - Ritonõpo Omiry: A Bíblia Sagrada na língua Aparai do Brasil

¹⁹ Sero poko ourutorỹko ase jewokara ro ahtao. Morarame morara toehse ahtao jenetupuhnõko matose Ritonõpo nymenekahpyryme. Morara exiryke jomihpyry anamonohpyra ase.

João 13:19 ပူးပေါင်းရင်းမြစ်များ

Izaja 41:23

Kahtoko yna a, otara exĩko nae taroino? Zuaro yna ehtohme ritõme nymyry oehtohkõ poko! Kurãkõ riry se awahtao xine tyritoko, popyra ehtoh riry se awahtao xine roropa, enaromỹke yna ehtohme, yna osenuruhkatohme roropa!

Izaja 43:10

Ritonõpo ynara ãko: “Izyraeu tomo, omoro jeneneme mase; kymenekase ypoetoryme oehtohme, juaro oehtohme, jenetupuhtohme, ywy ro rokẽ Ritonõpome jehtoh waro oehtohme. Osemazuhme imepỹ ritõ pyra kynexine. Ymaro imepỹ ritõ pyra mana, imeĩpo jũme imepỹ ritõ exipyra roropa exĩko mana.

Izaja 48:5

Morara exiryke morohne poko kuruatose pake; exipyra ro ahtao tõturuse ywy oya xine. Naeroro ynara kasaromepyra matose: ‘Ynaneponãmary tomo a serara tyripose; ynanaxikahpyry a, ynanyrihpyry a, uuru risẽ tõkehko.’

Marakia 3:1

Ritonõpo Jamihmehxo Exikety ynara ãko: — Jomiry arone aropõko ase osemazuhme jesemary kurãkatohme. Mame Oesẽkõ eraximaryhtao oya, axĩ oehnõko mana Tytapyĩ taka. Ritonõpo omiry arone enery se oehtohkõ oehnõko mana. Ynetapohpyry ekarõko mana.

Mateu 11:3

Mame tooehse tahtao xine ynara tykase toto Jezu a: — Onokyh koh mano? João oturutopõpyry mahno? “Okomino oehnõko mana ỹkapo,” katopõpyry mahno? Ynorome pyra awahtao imepỹ eraximãko ynanah? tykase toto tõturupose Jezu a.

Mateu 24:25

Etatoko pahne, seromaroro ourutorỹko ase morohne exipyra ahtao ro.

Ruka 21:13

Moroto awahtao xine tuaro ehtoko. Jomiry kurã ekarotohme imehnomo a moroto matose.

João 1:15

Ipoko imehnõ turuse João a. Ynara tykase ynororo imoihmãkõ netaryme: — Mose poko kuuruatosene. Ynara asene oya xine: “Imepỹ oehnõko mana okomino Imehxo Exikety. Ywy ase ime hkopyra, ynororo ime kuhse mana. Osemazuhme jenurune repe. Yrome ynororo osemazuhme nymyry. Enurupyra ro jahtao nae ro ehse ynororo,” ase oya xine mose ro poko, tykase João eya xine.

João 14:29

Moro poko kuurutou seromaroro ytopyra ro jahtao. Morarame toytose jahtao enetupuhnõko matose. “Sero poko kuuruatosene Jezu,” ãko matose.

João 16:4

Yrome moro poko kuurutou oryhmara ro xine toto ahtao. Imeĩpo oryhmarykohtao tuarõtãko matose jomihpyry poko. — Pake ourupyra xine exiase amaro xine ro jexiryke.

João 4:26

— Ywy ase Kyrixtu, Ritonõpo nymenekahpyry, amaro oturukety, tykase Jezu nohpo a.

João 8:28

Morara exiryke ynara tykase Jezu eya xine: — Kapu ae Ayhtohpyry tanỹse oya xine ahtao wewe pokona jenetupuhnõko matose. Ywy ase Ritonõpo nenehpohpyry okurãkanekõme. Morara jahtao jamoreme pyra jerohtopõpyry exiry waro exĩko matose. Papa nekarohpyry rokẽ ekaroase oya xine. Moro waro exĩko matose, ynekarohpyry waro.

João 8:58

Ynara tykase Jezu eya xine: — Aparão enurupyra ro ahtao, nae ro exine, tykase Jezu eya xine.