João 13:17 - Ritonõpo Omiry: A Bíblia Sagrada na língua Aparai do Brasil

¹⁷ Oesẽkõme ase yrome opupurukõ ukurikano, ysã imehnõ akorehmatohme oya xine. Morara ahtao tãkye exĩko matose moro poenopyryhtao oya xine.

João 13:17 ပူးပေါင်းရင်းမြစ်များ

Jenexi 6:22

Mame moro tymoise Noe a, Ritonõpo omihpyry ae porehme.

Saumu 19:11

Ritonõpo, õmiry etaryke ya zae ehtoh waro ase, opoetoryme; kurãkõ apoĩko ase õmiry omipona jahtao.

Exutu 40:16

Mame morara tyrise Moeze a emero Ritonõpo nyripohpyry ae ro.

Porowepio 29:18

Ritonõpo omiry onenetupuhpyra ahno ahtao zae ehtoh onyripyra mã toto. Tãkye mã mokaro, Ritonõpo omiry omipona exiketomo.

Jeremia 11:6

Mame ynara tykase ro Ritonõpo: — Ytoko Juta patary tõ pona, Jerusarẽ esemary ae roropa jomiry ekarotohme. Kaxiko Izyraeu tomo a ynetapohpyry etatohme eya xine, morohne tyritohme eya xine.

Ezekieu 36:27

Juzenu kurã rĩko ase okurohtaka xine, jomiry omipona oritorỹko ase. Ynyripohpyry oya xine tyrĩko matose, emero porehme.

Mateu 12:50

Emero Papa Kapuaõ omipona exiketõ mã jakorõme exĩko, woryxiryme exĩko roropa, ajame roropa exĩko, tykase Jezu eya xine.

Ruka 11:28

Mame mokyro tozuhse Jezu a. Ynara tykase: — Amarokõ hkotano. Tãkye exĩko matose Ritonõpo omiry etaryhtao oya xine, aomipona toehse roropa awahtao xine, tykase Jezu eya.

João 15:14

Jepeme matose jomipona awahtao xine.

Romanos 2:13

Ynara exiryke, Ritonõpo nymeropohpyry etaryhtao rokẽ, etananõ iirypyryme ro mã toto, aomipona pyra toto ahtao. Yrome aomipona toehse toto ahtao, kure toto rĩko Ritonõpo mana.

Karaxia 5:6

Kyrixtu Jezu maro kuahtao xine kuaĩkõpotapihpyry tysahkase ahtao, oty kara. Onysahkara ahtao oty kara roropa mana. Ynara rokẽ kure Ritonõpo a mana, Jezu Kyrixtu enetuputyry kyya xine. Mame imehnõ pyno exĩko sytatose, Jezu tonetupuhse exiryke kyya xine.

Tiaku 1:25

Yrome Ritonõpo omiry kurã poko yronymyryme ãtamoreparykohtao, aomipona exĩko matose. Aomipona awahtao xine orẽpyra exĩko matose, oorypyrykõ poko pyra exĩko matose. Wenikehpyra roropa matose ãtamorepatopõpyrykõ poko. Aomipona rokẽ ipunaka exĩko matose. Morara awahtao xine Ritonõpo kure oritorỹko mana.

Tiaku 4:17

Kure imehnõ riry waro awahtao xine, yrome kure toto onyripyra oekuretyrykohtao iirypyryme matose Ritonõpo a.

Apokaripxi 22:14

Tãkye matose tupoke ikurikasenã panõ ke oexirykõke. Oorypyrykõ tukurikase ahtao, jũme Ritonõpo maro ehtoh epery enahpõko oya xine Ritonõpo mana. Aarotorỹko roropa mana omõtoh ae typataka.