João 12:40 - Ritonõpo Omiry: A Bíblia Sagrada na língua Aparai do Brasil

⁴⁰ “Tuaro pyra tyripose Ritonõpo a, aosenetupuhpyrykõ tyripose tũpore roropa Ritonõpo a. Morara exiryke Ritonõpo jamitunuru eneryhtao ro onenetupuhpyra mã toto. Aomiry etaryhtao ro onenetupuhpyra mã toto. Tyyrypyrykõ onurumekara roropa toto. Morarame rokẽ tyripose toto Ritonõpo a. Tyyrypyrykõ onurumekapỹme tyripose toto tõmipona pyra toto exihpyryme,”

João 12:40 ပူးပေါင်းရင်းမြစ်များ

1 Tuisa 22:20

Mame tõturupose Ritonõpo: “Onoky Akape enekunohnõko nae, aytotohme Ramote pona, totapasẽme aehtohme?” tykase. Mame tozuhse ynororo tynenyohtyamo a toiro ikuhtoh poko, imehnomo a tyoro ikuhtoh poko.

Saumu 147:3

Emynyhmaketõ kurãkãko ropa mana, iiryhmatopõpyrykõ epinohnõko mana.

Saumu 41:4

Ynara ase: “Ritonõpo Jesemy, iirypyryme toehse ywy oneneryme. Juãnohpyra exiko kukurãkako ropa.”

Saumu 6:2

Ypyno exiko tapotũkehse jexiryke. Kukurãkako ropa takuruhtase jexiryke.

Exutu 10:1

Ynara tykase Ritonõpo Moeze a: — Ytoko tuisa zuruse. Aosenetupuhtoh tyripose ya tũpore, ituisary tõ maro. Jomiry onetara ynaroro tyripose ya yjamitunuru enepotohme eya xine.

Exutu 11:10

Morohne tyrise Moeze tomo a Arão maro, Ritonõpo jamitunuru enepotohme Ejitu tuisary ẽpataka. Yrome Ritonõpo poe aosenetupuhtoh tũpore rokẽ kynexine. Izyraeu tõ anaropopyra kynexine Ejitu nonory poe.

Exutu 14:17

Ejitu põkõ osenetupuhtoh ripõko ase tũpore. Izyraeu tõ ekahmãko mã toto tuna kuaka. Mame Imehxo jekarõko imehnõ mana, Ejitu tuisary te, soutatu tõ maro te, ikanary tõ aronanõ maro toto poremãkaporyhtao ya.

Exutu 14:4

Mame tuisa aosenetupuhtoh ripõko ase tũpore oekahmatohkõme, mame iporemãkapõko ase soutatu tõ maro, yjamitunuru enepotohme. Ejitu põkõ juaro exĩko mã toto, ywy ase Ritonõpo Oesẽkomo. Mame aomipona toehse Izyraeu tomo.

Exutu 14:8

Mame Ritonõpo poe Ejitu tuisary osenetupuhtoh tũpore ro kynexine. Izyraeu tõ tokahmase eya. Ytõko Izyraeu toh kynexine orẽpyra exiketõ samo.

Exutu 4:21

Tõturuzomose ropa Ritonõpo Moeze a. Ynara tykase: — Yjamitunuru ekaroase oya enepotohme te, enetupuhpotohme. Toeporehkase awahtao Ejitu pona yjamitunuru enepõko mase morotõkõ tuisary ẽpataka. Yrome mokyro ripõko ase aosenetupuhtoh tũpore. Ypoetory tõ Izyraeu anaropopyra exĩko mã ynororo moro poe.

Exutu 7:13

Morohne eneryhtao ro tuisa aosenetupuhtoh tũpore ro kynexine Ritonõpo nekarohpyry ae ro. Moeze tõ omiry, Arão maro onymoipyra kynexine.

Exutu 7:3

Yrome tuisa aosenetupuhtoh tũpore sã tyripõko ase. Mame yjamitunuru ke toto enaroxitapãkãko ase, Ejitu põkomo.

Exutu 9:12

Yrome Ritonõpo a tuisa osenetupuhtoh tyripose tũpore. Ritonõpo omihpyry ae ro Moeze tõ omiry onenetupuhpyra ro tuisa kynexine.

Izaja 26:11

Ritonõpo, oemary tanỹse mana ozehnotokõ wãnohtohme, yrome onenepyra mã toto. Mãpyra opoetory tõ pyno yronymyryme oexiry eneryhtao eya xine ehxirõko mã toto. Ah netuarimã toto, zuãnohko toto, popyra exiketõ wãnohtoh ke. Opoetory tõ pyno yronymyryme oehtoh enepoko eya xine.

Izaja 29:10

Ritonõpo poe wetukene matose yronymyryme, oupuhpyrykõ tyõtose eya, oenurukõ tapuruse roropa eya. Moro enurukõ urutõ kõme mã toto, Ritonõpo poe enetohme repe, yrome Ritonõpo nenepohpyry onenepyra mã toto.

Izaja 53:5

Mãpyra tyyryhmase ynororo kyyrypyrykõ epehpyryme, tuãnohse ynororo popyra kuehtopõpyrykõ pokoino. Yrome tuãnohse ynororo kukurãkatohkõme osepeme kuehtohkõme Ritonõpo maro. Totapase ynororo exiryke tukurãkase sytatose iiryhmatopõpyry ke.

Izaja 6:10

Izaja, mokaro osenetupuhtohkõ tyripoko tũpore samo, onenetupuhpyra toto ehtohme, ipanarykõ onetara ehtohme, enurukõ onetopyra ehtohme, onenesaromepyra toto ehtohme, onetasaromepyra roropa toto ehtohme, onenetupuhsaromepyra toto ehtohme. Mãpyra jenetuputyryhtao eya xine otarame aeramarykõ ropa ya ekurãkatohme, mame tukurãkase toto exiry.

Izaja 6:9

Ynara tykase Ritonõpo Kuesẽkõ ya: — Ytoko, mame ahno a ynara kaxiko: “Etãko matose emero rokẽ repe, yrome onenetupuhpyra exĩko matose. Osenuhmãko matose kure repe, yrome onenepyra exĩko matose.”

Jeremia 3:22

Osehtoko ropa, emero, Ritonõpo rumekahpõkomo, zae pyra oehtopõpyrykõ kurãkãko mana. Ynara ãko matose: — Ỹ! oehnõko ropa sytatose Ritonõpo a, Kuesẽkõme aexiryke.

Jeremia 5:21

Otato ehtoko tuaro pyrahme sã exiketomo, amarokomo, tonure matose repe, yrome onenepyra matose, typanare matose repe, yrome otato pyra matose.

Ezekieu 12:2

— Ahno mũkuru, jomiry omipona pyra exiketõ rãnao mase. Tonure toh mã repe, yrome onenepyra mã toto; typanare roropa mã toto, yrome otato pyra mã toto, ajoajohpe rokẽ toexirykõke, jomipona pyra mã toto.

Ezekieu 14:9

— Mame urutõ tõsenekunohse ahtao, azahkuru imepỹ tozuhse ahtao eya, ywy, Ritonõpo, mokyro tonekunohse ya. Mokyro oũko ase ypoetory tõ Izyraeu tõ winoino.

Ozeja 14:4

Ynara ãko Ritonõpo mana: “Ypoetory tõ kurãkãko ase, toto amonohtopõpyrykõ korokãko ase. Toto pyno exĩko ase yronymyryme ukurohtao, tohne toehkehse jexiryke ipoko xine.

Ozeja 6:1

Ynara ãko Izyraeu tõ mana: — Ehmaropa emero Ritonõpo a ropa, Kuesẽkomo a. Tapurose sexiatose eya, yrome kukurãkatorỹko ropa mana. Tuãnohse sexiatose eya repe, yrome kyyrypyrykõ korokãko ropa mana.

Mateu 15:14

Ah moroto rokẽ mokaro nexino tonurãkara sã toexirykõke. Tonurãkara osenuhmara mana. Mokaro sã mã mokaro Ritonõpo namorepatopõpyry onenetupuhpyra toexirykõke. Mame tonurãkara asakoro tãtarorykohtao epukãko mã toto oramã aka tonure pyra toexirykõke, tykase Jezu eya xine.

Maku 4:12

Naeroro: “Etãko toh mã repe. Yrome jomiry onenetupuhpyra mã toto. Enẽko roropa mã toto. Yrome zuaro pyra sã mã toto, tyyrypyrykõ onurumekara toexirykõke, Ritonõpo a tyyrypyrykõ onykorokapopyra roropa toexirykõke,” tykase Jezu typoetory tomo a.

Maku 6:52

Wyi emãkapotopõpyry poko eya tuenikehse toto, onenetupuhpyra ro toexirykõke.

Ruka 4:18

“Kuesẽkõ Ritonõpo Zuzenu ymaro mana, tymenekase jexiryke eya imehnõ amorepaneme, etuarimaketõ amorepaneme, tõmiry kurã poko. ‘Totapuruhmakase ropa matose,’ kase tonehpose ywy ãpuruhpyry taõkõ sã exiketomo a. ‘Tonure ropa matose,’ kase tonehpose roropa ywy tonurãkara a. Ataosanumaketõ osanumakehpose ropa tooehse ywy.

Ruka 8:10

Mame Jezu a tozuhse toto. Ynara tykase: — Kuesẽkõme Ritonõpo ehtoh poko zuaro exĩko matose enetuputyryke oya xine. Yrome imehnõ amorepãko ase tupimã ke rokene, enetupuhtohme eya xine repe. Yrome onenetupuhpyra toh mana. Etatohme roropa eya xine repe. Yrome onenetupuhpyra mã toto, tykase Jezu eya xine.

João 12:39

Morara exiryke Izaja nekarotopõpyry ae ro onenetupuhpyra toh toehse. Ynara tykase roropa Izaja pake:

João 9:39

Ynara tykase Jezu: — Sero po tonurãkara panõ kõ nae Ritonõpo omiry waro pyra toexirykõke. Mokaro kurãkase toehse ywy sero nono pona. Imehnõ nae roropa, Ritonõpo omiry waro ynanase, kananomo. Yrome aomipona pyra mã toto. Naeroro tapiakase mokaro mana Ritonõpo a tonurãkara sã toto exiryke, tykase Jezu.

Atos 15:3

Morotoino Jezu poetory tomo a Ãtiokia põkomo a Pauru tõ tonyohse. Mame toytose toto pata tõ poro, Penixia põ pata tõ poro, Samaria põ pata tõ poro roropa, Jezu poetory tõ zuruse. Ynara tykase toto eya xine: — Juteutõkara a Ritonõpo tonetupuhse, tuhkãkomo a, tykase toto. Mame morara kary etaryke tyya xine tãtãkyemase toto.

Atos 28:26

Ynara tykase ynororo: “Tarõkomo a ytotoko. Ynara kahtoko eya xine: ‘Ritonõpo omiry etãko matose repe, yrome zuaro pyra matose. Enẽko roropa amarokõ repe, yrome onenetupuhpyra matose.

Atos 3:19

— Oorypyrykõ irumekatoko. Jezu eahmatoko oesẽkõme aehtohme, oorypyrykõ korokatohme eya,

Romanos 9:18

Morara exiryke, imehnõ pyno se Ritonõpo ahtao toto pyno mana. Yrome tõmipona pyra exiketomo a ynara ãko Ritonõpo mana: “Ah jomipona pyra nexĩ toto yronymyrymehxo,” ãko mana.

Teuteronomiu 29:4

Yrome seroae ro Ritonõpo poe onenetupuhpyra ro matose emero inyrihpyry onenerykõme.

Jozue 11:20

Ritonõpo poe morotõkõ osepeme se pyra toehse toto etonatohme Izyraeu tõ maro, toto enahkatohme porehme, toto onypynanohpyra ehtohme. Moro toehse Ritonõpo omihpyry ae ro Moeze a.