João 11:44 - Ritonõpo Omiry: A Bíblia Sagrada na língua Aparai do Brasil

⁴⁴ Tutũtase ropa ynororo. Emary tyõtyke ro kynexine. Ipupuru roropa tyõtyke ro kynexine. Ẽmyty tyõtyke ro roropa kynexine. — Imyhpokatoko ropa aytotohme, tykase Jezu eya xine.

João 11:44 ပူးပေါင်းရင်းမြစ်များ

Jenexi 1:3

— Saereme exiko! tykase Ritonõpo. Mame tõmehpitose, saereme toehse.

Saumu 33:9

Aotururuhtao sero nono tyrise kehko. “Exiko,” tykase ynororo ahtao, emero toehse rahkene.

Ozeja 13:14

Morara exiryke ypoetory tõ pynanohnõko ha orihpyra toto ehtohme? Naary! Toto anỹnõko ha aorihtyã ekepyry esary poe? Arypyra. Tyrohsẽ kehko enehpoko, orihtopo! Mokaro enahkatoh enehpoko, aorihtyã esary! Mokaro pyno exikehnõko ase.

Maku 5:43

Morarame ynara tykase Jezu eya xine: — Jekãtopyra ke ehtoko. Mose kure autuhmatoko, tykase Jezu eya xine.

Ruka 19:20

— Mame imepỹ tooehse. Ynara tykase ynororo tosemy a: “Seny, onekarohpyry ro uuru risemy. Tukurãkase ya kamisa muahtaka.

Ruka 7:15

Mame sẽpe towõse ynororo. Mame tõmitase ropa ynororo. Mame Jezu a tynẽsemãkahpyry ropa tokarose ropa jeny a.

João 10:30

Papa ime exiry ime jexiry samo. Oxisã ynanase.

João 11:39

— Apuru isyryhmatoko, kynako Jezu. Ynara tykase Maata, aorikyhpyry oryxiry: — Otarãme tymotase mana. Asakoropane nẽmehno moroto, tykase eya aoryxiry.

João 11:43

Morara kaxĩpo opore kynomitane Jezu: — Razaru, osehko moro tae xiaro, tykase Jezu aorikyhpyry a.

João 19:40

Jezu ekepyry tapoise eya xine, tyõtose eya xine kamisa kurã ke ixtaratu maro. Typutoputohmase roropa toto a ixtaratu panõ ke jõtoryhtao. Toipe juteu tomo morara ehse tokepyrykõ zõtõko, ipomãko zonẽtohme.

João 20:5

Moroto tupueh tykase tahtao kamisa tonese eya, okepy zõtỹpyry, eutahpyry ao. Yrome omõpyra ynororo kynexine.

João 20:7

Zupuhpyry zõtỹpyry tonese roropa eya. Imyhto tonese eya. Atakahpo kara kynexine.

João 5:21

Aorihtyã ẽsemãkaponeme ropa mã Papa Kapuaono. Isaaro ase aorihtyã ẽsemãkaponeme ropa ase.

João 5:25

— Mame zae rokẽ ynara ãko ase oya xine, okynã pyra Ritonõpo mũkuru omiry etãko aorihtyã mana. Seromaroro aomiry etapitõko mã toto. Morarame aomiry etaryhtao tyya xine ẽsemãnõko ropa mã toto. Isene exĩko ropa mã toto.

Piripo 3:21

Tyjamitunuru ke Jezu Kyrixtu mã imehnõ poremãkapory waro emero porehme tõmipona toto ehtohme. Mame tyjamitunuru ke ro kuokokõ myakamãko mana, kurã ke. Sero nono po kuahtao xine jamihme pyra sytatose. Yrome kuokokõ myakamãko kurã ke mana, tokoke kurã ke kuehtohkõme. Orihpỹme exĩko sytatose jũme.

Apokaripxi 1:18

Orihpỹme exiketyme ase. Jorikyase repe. Yrome eneko ke, orihpỹme ase jũme. Orihtoh esẽme ase, aorihtyã esẽme roropa.

1 Samueu 2:6

Ritonõpo Kuesẽkõ aorihmapõko mana, isene imehnõ rĩko mana. Imehnõ poremãkapõko aorihtoh pona, yrome imehnõ ẽsemãkapõko ropa mana.