João 11:39 - Ritonõpo Omiry: A Bíblia Sagrada na língua Aparai do Brasil

³⁹ — Apuru isyryhmatoko, kynako Jezu. Ynara tykase Maata, aorikyhpyry oryxiry: — Otarãme tymotase mana. Asakoropane nẽmehno moroto, tykase eya aoryxiry.

João 11:39 ပူးပေါင်းရင်းမြစ်များ

Jenexi 23:4

Ynara tykase ynororo eya xine: — Katonõme ase ononorykõ po. Naeroro oya xine osa pitiko epekatyry se ase ypyty ekepyry zonẽtohme, tykase Aparão.

Jenexi 3:19

Yronymyryme erohnõko mase, enãkutãko roropa mase otupi poko tỹkyryneke oehtohme, oorikyry ponãmero. Mame nonome exĩko ropa mase. Nono apuhsẽme oexiryke nonome exĩko ropa mase toorihse awahtao, tykase.

Saumu 49:14

kaneru sã orihnõko mã toto, aorihtohkõ toto esẽ sã toto arõko. Ẽmepyryhtao mokaro poremãkapõko zae exiketõ mã toto; ekepyrykõ motãko mana zonẽtopõpyry ao ameke toto tapyinỹpyrykõ winoino.

Saumu 49:7

Yrome onepehmasaromepyra sytatose orihpyra kuehtohkõme; Ritonõpo onepehmasaromepyra sytatose jũme isene kuehtohkõme,

Saumu 49:9

orihpyra mokyro ehtohme, jũme isene mokyro ehtohme.

Maku 16:3

Toytorykohtao tõturuse toto: — Otarahxo koh topu syryhmãko sytano? tykase toto, (zumo topu exiryke).

João 11:17

Morarame morotona toeporehkase Jezu, Petania pona. Moroto asakoropane aorikyhpyry ẽmehtopõpyry waro toehse toto, tokarose exiryke imehnomo a.

Atos 13:36

— Tawi orihpyra ahtao ro Ritonõpo omipona kynexine. Toorihse ahtao ekepyry tonẽse. Ẽsemãpyra ropa tokurehse. Ekepyry tymotase.

Atos 2:27

Toorihse jahtao jekepyry onymotanohpopyra mase omũkuru nymyryme jexiryke.

2 Korĩtiu 2:16

Yrome onenetupuhpynomo a su ãko sã ynanase orihmatõ samo orihketõme toto exiryke, apotoimo htaka ytoketõme toto exiryke. Yrome Kyrixtu enetupuhnanomo a ixtaratu kurã sã yna omiry mana typoxine samo. Toto akorehmãko yna omiry mana orihpỹme toto ehtohme. Yna amoreme pyra moro omi kurã ekarõko ynanase.

Piripo 3:21

Tyjamitunuru ke Jezu Kyrixtu mã imehnõ poremãkapory waro emero porehme tõmipona toto ehtohme. Mame tyjamitunuru ke ro kuokokõ myakamãko mana, kurã ke. Sero nono po kuahtao xine jamihme pyra sytatose. Yrome kuokokõ myakamãko kurã ke mana, tokoke kurã ke kuehtohkõme. Orihpỹme exĩko sytatose jũme.