João 11:3 - Ritonõpo Omiry: A Bíblia Sagrada na língua Aparai do Brasil

³ Morara exiryke Jezu a tõmihpyry rokẽ taropose. — Oepe reh mã takuruhtase, katoh taropose eya tõmiry.

João 11:3 ပူးပေါင်းရင်းမြစ်များ

Jenexi 22:2

Ynara tykase Ritonõpo eya: — Omũkuru apoiko, Izake, omũkuru toirono, ipyno oehtopo, mame ytoko mya Moria nonory pona. Moroto ypy po, ynenepory oya, omũkuru iahkako onekaroryme ya, tykase.

Saumu 16:3

Kure rokẽ mã mokaro, Ritonõpo omipona exiketomo! Atãkyemãko ase toto maro jahtao.

Ruka 7:13

Morarame mokaro eneryke tyya sam tykase Jezu tukurohtao. Toenupunase roropa ynororo pytỹpo poko. Ynara tykase eya: — Xitara exiko, tykase eya Jezu.

João 11:1

Orutua kynexine, Petania pono. Esety kynexine Razaru. Aoryxiry tõ roropa moroto kynexine. Maria, Maata, enara toh kynexine.

João 11:11

Morarame ynara tykase ropa ynororo typoetory tomo a: — Kuepekõ mã nyhnõko Razaru. Yrome ẽpakase ropa ytõko ase, tykase Jezu eya xine.

João 11:2

Mokyro Maria Jezu pupuru kurikahpõ kynexine ixtaratu ke. Tũsety ke ikorokahpõ roropa kynexine. Mokyro piry kynexine kure pyra.

João 11:21

Ynara tykase Maata Jezu a: — Taro awahtao otarame ypiry orihpyra exiry.

João 11:36

Morotõkõ ynara tykase: — Enẽko matose. Ipyno yronymyryme nexiase, tykase toto ipoko.

João 11:5

Maata pyno Jezu kynexine, zakorõ pyno roropa kynexine. Ipirykõ pyno roropa kynexine. Enara kynexine, toto pyno Jezu.

João 13:13

Tuisa, ãko matose. Amorepatono ãko roropa matose ypoko. Zae ro matose, oesẽkõme jexiryke,

João 13:23

Toiro ipoetory Jezu zamaro exikety. Imaro typorohse kynexine.

2 Timoteu 4:20

“Pauru opyno xine,” kaxiko eya xine. Eraxitu tõsesarise Korĩtu po, Tyropimu ynomoase Miretu po, kure pyra exiryke.

Apokaripxi 3:19

Imehnõ pyno jahtao, toto zurũko ase. Zae pyra toto ahtao toto tuarimapõko roropa ase kure toto ehtohme. Naeroro yronymyryme oorypyrykõ irumekatoko.