João 11:14 - Ritonõpo Omiry: A Bíblia Sagrada na língua Aparai do Brasil

¹⁴ Morara exiryke typoetory tomo a ynara tykase ynororo: — Razaru toorihse mana.

João 11:14 ပူးပေါင်းရင်းမြစ်များ

Maku 8:32

Zae tõturuse ynororo eya xine. Mame Peturu a tarose ynororo mya zupokatohme repe.

João 10:24

Juteu tõ esã tõximõse moro taka. Ynara tykase toto Jezu a: — Oty katoh yna onurupyra mexiase? Morara exiryke zae yna zuruko rahkene. Kyrixtu nymyry mahno? Ritonõpo nymenekahpyry mahno? Ynaneraximahpyry mahno? tykase toto eya tõturupose.

João 11:13

Yrome Razaru orihtoh poko tõturuse Jezu repe. Yrome tynyhse rokẽ tokarose ipoetory tomo a.

João 11:15

Enese ytopyra exiase aporo. Yrome seromaroro enese ytõko ase rahkene. Seromaroro roropa Ritonõpo jamitunuru enẽko matose jenetupuhtohme yronymyryme oya xine. Morara ahtao tãkye exĩko ase opoko xine. Ehmaropa, senetatose, tykase Jezu tymarõkomo a.

João 16:25

— Osemazuhme tupimã ke kuamorepatose. Okynã pyra morohne ke ãmorepakehtorỹko ase. Tupimãkara ke ãmorepatorỹko ase Papa poko.

João 16:29

Ynara tykase ipoetory tõ eya: — Seromaroro zae rokẽ yna zurũko mase. Tupimã ke pyra yna muruno.