João 10:20 - Ritonõpo Omiry: A Bíblia Sagrada na língua Aparai do Brasil

²⁰ — Jorokohpe nase mose. Otarãme rowohpe nase roropa. Oty katoh aomiry etãko matou? tykase toto, imoihmãkomo.

João 10:20 ပူးပေါင်းရင်းမြစ်များ

Izaja 53:8

Tapoise ynororo, tutuarimanohpose, pohnomo a tapiakase, tarose aorihtohme, oty kara sexiatose ipoko. Tumũkue pyra ro ahtao taorihmapose eya xine, wekyry tõ rypyry epehpyryme taorihmapose ynororo.

Jeremia 29:26

“Ritonõpo Kuesẽkõ oriase oturuketyme, Joiata myakãme. Seromaroro tuisame mase Ritonõpo Tapyĩ poko erohketõ tuisaryme porehme. Naeroro oerohtoh nase rowohpe exiketõ apoipory, urutõme osekarokety ahtao imyhtohme keti ke, osenao kurimene risẽ maro ipymyry pokona.

Mateu 10:25

Morara exiryke ãmorepanekõ sã toehse awahtao xine tãkye ehtoko, oesẽkõ sã toehse oexirykõke. Yrome tapyi esẽ esehtoryhtao imehnomo a joroko esety ae morararo oesehtotorỹko toh mana jorokome. Popyra kuhse oesehtotorỹko toh mana, tykase Jezu typoetory tomo a.

Mateu 11:18

Ynara exiryke, João tooehse oya xine. Amotyryae rokẽ tõtuhse ynororo. Uwa eukuru onẽpyra roropa kynexine. Mame ynara tykase imehnõ ipoko: “Mokyro jorokohpe mana,” tykase toto ipoko.

Mateu 9:34

Yrome ynara tykase parixeu tõ ipoko: — Joroko tamuru poe rokẽ jamihme mana. Joroko tamuru poe rokẽ joroko tõ tũtanohpõko ropa mana ahno ae, tykase toto Jezu poko, ajohpe rokene.

Maku 3:21

Mame morara aexiry totase jekyry tomo a. Morara exiryke tooehse toto morotona Jezu poko. — Otarãme rowotãko mana, tykase toto ipoko repe.

João 7:20

— Jorokohpe mase, tykase imoihmãkomo. — Onoky oetapary se nahe? tykase toto eya.

João 8:52

Ynara tykase juteu tõ eya: — Seromaroro jorokohpe oexiry waro ynanase. Aparão toorihse. Urutõ kõ toorihse. Yrome mase ynara ãko: “Jomipona awahtao xine orihpyra exĩko matose jũme,” ãko mase.

Atos 26:24

Morara karyke Pauru a, ynara tykase Pexitu opore Pauru a: — Pauru, rowohpe mase. Tuhke tãtamorepase oexiryke, tykase Pexitu eya.