João 1:49 - Ritonõpo Omiry: A Bíblia Sagrada na língua Aparai do Brasil

⁴⁹ — To! Urutõme mase, tykase Natanaeu eya. — Ritonõpo mũkuru nymyryme mase. Izyraeu tõ esẽme mase, tykase ynororo Jezu a.

João 1:49 ပူးပေါင်းရင်းမြစ်များ

Saumu 110:1

Ritonõpo Kuesẽkõ ynara tykase jesemy a: “Oporohko japotunuru wino oepetõkara poremãkatohto ya, anamotome toto ehtohme.”

Saumu 2:6

Ynara ãko mana: “Ynymenekahpyry yriase tuisame japõ po, moroto Jerusarẽ po, ypy Xião kurã po.”

Izaja 9:7

Tuisa Tawi paryme exĩko mana, imyakãme roropa tuisame. Mame jamihme aexiry wãtãko itamurume mana. Jũme osetapara exĩko ipoetory tõ mana. Zae ehtoh poko tuisame erohnõko mana, kure ehtoh tyripõko roropa mana. Apitorymã poe morara ehtoh exikehpyra exĩko mana jũme. Sero põkõ pyno toexiryke ipunaka, Kuesẽkõ Jamihmehxo Exikety morohne ripõko mana, emero.

Tanieu 9:25

Etako pahne Tanieu, enetupuhtohme oya. Omi taropose ahtao Jerusarẽ ritohme ropa 7me 7 jeimamyry taroposẽme exĩko Ritonõpo nymenekahpyry oehtohme tuisame. Pata apuru tõ, esemary roropa okynahxo exĩko 7me 62 jeimamyry aropõko mana, yrome etuarimãkohxo mã toto.

Ozeja 3:5

Yrome ẽmepyry oehnõko mana: Izyraeu tõ oehnõko ropa Ritonõpo eahmase ropa Tosẽkõme. Tutuisake exĩko mã toto tuisa Tawi paryme exikety. Morarame Ritonõpo eahmãko mã toto Tosẽkõme, aomiry omipona, inekarory kurã tuhke apoĩko roropa mã toto.

Mikeja 5:2

Ynara ãko Ritonõpo mana: — Perẽ-Epyrata, pata pitiko mase Juta patary tõ rãnao, yrome owino Izyraeu tõ tuisary enehpõko ase, moino ro exiketyme mã ynororo, apitorymã poe.

Sowonia 3:15

Awãnohtohkõ totypohkapose Ritonõpo Oesẽkomo a. Oepetõkara tonyohse eya typoetory tõ winoino. Ritonõpo Oesẽkõ, Izyraeu tõ Tuisary, amaro xine mana. Popyra ehtoh oepyry zuno pyra exĩko matose.

Zakaria 9:9

Atãkyematoko, Xião põkomo! Jerusarẽ põkomo, oeremiatoko ãtãkyemarykõme! Otuisarykõ oehnõko mana. Orẽpyra Exiketyme oehnõko mana, Imehxo Exiketyme roropa, yrome epyrypara mana, jumẽtu po tõtyrise mana, jumẽtu zumõkara, imũkurumano.

Mateu 14:33

Mame mynyhme toehse ipoetory tomo. Jezu eahmary poko rokẽ toh kynexine, tukurohtao xine. — To! Ritonõpo mũkurume nymyry mase. Kure mase, tykase toto.

Mateu 2:2

— Otoko hko enurusenã nae? juteu tõ tuisaryme aenuruhpyry nae? Ikyryry ynanenease xirikuato, tõnuhse ahtao xixi tũtatoh wino. Moro eneryke yna a aenururu waro toehse yna. Moro xirikuato tokahmase yna a. Morara exiryke mokyro enese ynanoehno xiaro kure tyritohme, tykase toto Jerusarẽ põkomo a.

Mateu 21:5

“Xião põkõ zurutoko. Ynara kahtoko eya xine: ‘Oesẽkõ ytõko oya xine mana. Tuisa imehxo exikety sã pyra mana. Jumẽtu po ytoytõko mana, zumõkara po. Jumẽtu mũkuru po ytõko mana,’ kahtoko.” Morara tymerose pake urutono a.

Mateu 23:7

Ynara kary etary se roropa mã toto: “Moehno tuisa? Amorepatõ mase. Imehxo exikety mase imehnõ motye,” kary etary se mã toto osepekahtoh tao, ahno imoity htao, enara.

Mateu 23:8

Yrome: “Amorepatõme mase,” kamexipopyra ehtoko imehnomo a. Atakorõmãkõ sã rokẽ matose. Toiro rokẽ ãmorepanekõ nymyry mana, Ritonõpo.

Mateu 27:11

Morarame Jezu kowenatu ẽpataka tooehse ahtao ynara tykase kowenatu eya: — Juteu tõ tuisary mahno? tykase tõturupose. — Ỹ, ywy ase, tykase Jezu.

Mateu 27:42

— Imehnõ typynanohse eya repe. Yrome tõsepynanopyry waro pyra mana. Izyraeu tuisaryme tõsekarose ynororo. Ah nyhtono wewe poe. Ayhtory eneryhtao kyya xine enetupuhnõko sytatose.

Mateu 4:3

Mame porẽ, joroko tamuru tooehse eya. Ynara tykase ynororo Jezu a: — Ritonõpo mũkurume awahtao senohne topu tyriko ourume, tykase.

Maku 15:32

Ekuhko ke, oyhtoko ropa morotoino. Ritonõpo nymenekahpyryme awahtao oyhtoko ropa, juteu tõ tuisaryme awahtao. Tyhtose ropa awahtao oenetupuhnõko ynanase, tykase toto eya. Morarame imaro exixihmatyamo a roropa tounohse ynororo.

Ruka 1:35

Ynara tykase Ritonõpo nenyokyhpyry eya ropa: — Ritonõpo Zuzenu oehnõko mana oya. Ijamitunuru poe emũkuãko mase. Morara exiryke: “Kurã nymyry mose ro,” ãko imehnõ mana. Ritonõpo mũkurume esehpãko mã toto.

Ruka 19:38

— Kure yna tuisaryme tyriko, Ritonõpo. Kuesẽkõ omi poe aepyhpyry ynororo. Torẽtyke pyra ehtoko, kapuaõkomo. Kure rokẽ Ritonõpo syritone, tykase toto.

João 1:18

Ritonõpo onenepitopyra sytatose ipunaka. Toiro rokẽ mã ipoko kuamorepatorỹko. Mokyro Ritonõpo mũkurume exikety. Tumy maro exiketyme roropa ynororo mana.

João 1:34

Moro enease. Morara exiryke: “Ritonõpo mũkuru nymyry mose ro,” ãko ase oya xine, tykase João eya xine.

João 1:38

Jezu tõsenuhmase tỹkakoxi toto ẽpataka. Tokahmary eneryke tyya ynara tykase Jezu eya xine: — Oty se hko hmatou? tykase ynororo eya xine, tõturupose. — Arypyra. Otoko oesary nah? tykase toto Jezu a.

João 1:50

Ynara tykase Jezu eya: — Kuenetupuhno jomiry pokoino? “Wikeira zopino kueneno,” katopõpyry pokoino? Moro jomiry motye kuhse etãko mase, yjamitunuru roropa enẽko mase, tykase Jezu Natanaeu a.

João 18:37

Ynara tykase Pirato: — Tuisame nymyry mah? tykase. Ynara tykase Jezu eya: — Zae morara mykano, tuisame jexiry poko. Morome ro tooehse ywy sero nono pona, zae rokẽ imehnõ zurutohme. Zae exiketõ jomiry etãko, emero porehme.

João 4:31

Mame: — Otuhkose, tykase ipoetory tõ eya. Yrome ynara tykase ynororo tozuhse toto: