João 1:47 - Ritonõpo Omiry: A Bíblia Sagrada na língua Aparai do Brasil

⁴⁷ Natanaeu oepyry eneryhtao tyya, ynara tykase Jezu: — Izyraeu paryme nymyry mahno, ajoajohpe pyra exikety mahno, tykase Jezu eya.

João 1:47 ပူးပေါင်းရင်းမြစ်များ

Saumu 32:2

Tãkye mã mokyro onyhxiropyra Ritonõpo ahtao popyra ehtoh poko, ajohpe pyra roropa ynororo ahtao imehnõ onenekunohpyra exiryke!

Saumu 73:1

Ajohpe pyra, kure Ritonõpo mana Izyraeu tomo a, kure mana kure ehtoh poko exiketomo a ikurohtao xine.

João 2:25

Imehnomo a tururu se pyra roropa kynexine, ahno kurohtao zuaro toexiryke.

João 4:16

— Onio ikohmata, tykase Jezu eya. — Imaro osehko ropa, tykase.

João 8:31

Morarame ynara tykase Jezu tonetuputyhpõkomo a, juteu tomo a: — Jomipona awahtao xine ypoetoryme nymyry matose.

João 8:39

— Aparão yna tamurume mana, tykase toto. — Aparão paryme awahtao xine mypoenohtory. Isaaro mehtory.

Romanos 9:4

Ritonõpo nymenekatyãme mã toto. Typoenõme tyrise toto eya, tuisame imehxo toexiry tonepose roropa eya xine. “Okurãkatorỹko ase,” tykase Ritonõpo eya xine. Tynymeropohpyry tokarose roropa eya xine. Zae Ritonõpo eahmary waro mã toto. Eya xine roropa: “Ynekarory tõ ekarõko ase oya xine,” tykase Ritonõpo.

Romanos 9:6

“Okurãkatorỹko ase,” kaxĩpo juteu tomo a: “Tõmihpyry ae pyra Ritonõpo toehse ropa,” kara ase. Ynara exiryke, Ritonõpo a emero pyra Izyraeu tõ tymenekase mã toto. Tuhke pyra rokẽ ipoetoryme mã toto.

Piripo 3:3

Yrome mokaro sã pyra sytatose. Kukurohtao xine tukurãkase kuexirykõke. Ritonõpo Zuzenu poe Ritonõpo poko sytatose. Atãkyemãko sytatose Jezu Kyrixtu poetoryme kuexirykõke. Kupũkõ sahkary tõkehko, kuakorehmara xine ipunaka kure kyrirykõ poko Ritonõpo a. Moro waro sytatose.

1 Peturu 2:1

Oorypyrykõ poko pyra ehtoko. Imehnõ zehno oexirykõ irumekatoko. Ajohpe pyra ehtoko. “Kure ehtoko ysamo,” kara ehtoko imehnomo a iirypyryme awahtao xine. Imehnõ zumoxike pyra ehtoko. Imehnõ onykerekeremara ehtoko.

1 Peturu 2:22

Tyyrypyry poko pyra kynexine ipunaka, ajohpe pyra roropa kynexine.

Apokaripxi 14:5

Toipe mã toto ajohpe pyra. Zae rokẽ mã toto Ritonõpo a.