Jo 9:24 - Ritonõpo Omiry: A Bíblia Sagrada na língua Aparai do Brasil

²⁴ Sero nono tokarose Ritonõpo a popyra exiketomo a, apiakane tõ enuru tapuruse eya zae ehtoh onenetupuhpyra toto ehtohme. Moro onyripyra Ritonõpo ahtao onoky a morohne tyrise?

Jo 9:24 ပူးပေါင်းရင်းမြစ်များ

2 Samueu 15:30

Xitãko Tawi nexiase toytoryme ypy Oriwera pona; zupuhpyry tyõtose kamisa ke toemynyhmaryme, tysãtajake pyra roropa nexiase. Imarõkõ roropa xitãko toh nexiase toytorykõme, tupuhpyrykõ tyõtose kamisa ke eya xine.

2 Samueu 19:4

Tõmyty tapuruse tuisa a, tyxitase opore: — Aimo umũkuru! Umũkuru Apisarão! Apisarão umũkuru!

Exite 6:12

Moromeĩpo toytose ropa Moatekai tuisa tapyĩ omõtoh myhtokoxi, yrome Hamã toehxirose toytose ropa tururume tytapyĩ taka tõmyty tyõtose, sekese pyra toexiryke.

Exite 7:8

Tyxitaryme toepukase ynororo Exite porohtoh pona: “Ajohpãme sã kypynanohko, jetapapopyra exiko!” kary poko. Morara ahtao tomõse ropa tuisa aryhnae. Hamã eneryke eya, opore ynara tykase ynororo: — Tee! Ypyty poko roropa tokoh nae ytapyĩ tao, jẽpataka? tykase tuisa. Morara tykase tuisa ahtao Hamã zupuhpyry tyõtose tuisa poetory tomo a.

Jo 10:3

Omoro ro kyriase. Kure oya nae yyryhmary? Jyhtomary roropa? Kure roropa oya jyhtomary popyra exiketomo a?

Jo 12:17

Tuisa tõ tuaro ehtoh puxihkãko ropa Ritonõpo mana. Tamuximãkõ putupyra exiketõ sã tyripõko mana.

Jo 16:11

Ritonõpo jekaroase ajoajohpãkomo a, popyra exiketõ emahpokoxi tokarose ywy.

Jo 19:7

Kohtãko ase, yyryhmara Ritonõpo ehtohme. Yrome onetara imehnõ mana. Kohtãko ase opore repe, yrome zae ehtoh onyripyra mã toto.

Jo 22:8

Ajamitunuru ke, imehxo oexiryke roropa nono esẽme toehse mase.

Jo 24:12

Tapurose aexityã, orihsasaka exiketõ roropa kohtãko mã toto tãtakorehmapotohkõme repe. Yrome onetara Ritonõpo mana.

Jo 24:25

Onoky sero jomiry zae pyra ekarõko nae? Onoky ajohpe jekarõko nae? Moro joturutopõpyry zae mã ipunaka.”

Jo 32:2

Yrome moroto imepỹ orutua nexiase, esety Eriu, Parakeu mũkuru, Puze ekyry, Rão ekyryme roropa. Tohne toehse Eriu nexiase Jo poko, zae rokẽ tõsekarose ynororo exiryke, zaẽkara sã Ritonõpo ekaroryke roropa eya.

Saumu 17:14

Ritonõpo, kypynanohko mokaro orutua kõ wino; sero nono po ipenetatohkõ nae mã toto emero porehme! Zuãnohko toto etuarimatoh ke onukurãkahpyry toto epehpyryme. Moro etuarimatoh ipune tyriko roropa toto poenomo wãnohtohme, ipakomotyã etuarimatohme roropa.

Ekereziaxti 4:1

Morarame osenuhmase ropa imehnõ ryhmary enetohme zae pyra exiketomo a sero nono po. Tuhkãkõ enease tonekunohse exiketomo, tyyryhmase roropa aexityamo. Xitãko toh nexiase yrome toto anakorehmara imehnõ nexiase. Toto anakorehmara topeke iiryhmananõ exiryke jamihmehxo exiketomo.

Jeremia 14:4

Tupito poko erohketõ roropa tupuhpyrykõ zõtõko mã toto ihnamoryme, torẽtyke mã toto yronymyryme, konopo oehpyra exiryke, nono tonore exiryke roropa.

Tanieu 4:17

Moro mã Ritonõpo nyripohpyryme mana, tokarose inenyohtyamo a, sero nono põkõ enenanõ kapu poe, zuaro emero ehtohme, Ritonõpo Kapu Esẽ rokẽ tuisa tõ emero esẽme mana sero nono po. Tynymenekatyamo a tuisame ehtoh ekarõko mana, tuisame pyra toto ahtao ro ipunaka.’

Marakia 2:17

Typenekehse mã Ritonõpo õmirykõ etaryke tyya. Yrome ekaropõko matose. Ynara ãko: “Oty tyrise yna a, Ritonõpo typenekehse ehtohme?” ãko matose. Ynara karyke oya xine: “Ritonõpo Kuesẽkõ popyra exiketõ kurãkõme ekarõko mana, popyra ehtoh poko exiketõ se mana,” ãko matose. Ekaropõko roropa matose: “Otoko nah Ritonõpo, Zae Exikety?” ãko matose.