Jo 9:17 - Ritonõpo Omiry: A Bíblia Sagrada na língua Aparai do Brasil

¹⁷ Tyryrykane konõto ke jetapãko Ritonõpo mana, popyra ehtoh poko pyra jahtao ro jutuarimãko mana itamurumehxo.

Jo 9:17 ပူးပေါင်းရင်းမြစ်များ

Jo 10:8

“Oya tyrise ywy, mame seromaroro jenahkãko mase.

Jo 16:12

Torẽtyke pyra exiase, osepeme imehnõ maro, yrome jakurihmoase Ritonõpo; jesenary ae japoiase ynororo, tytahkase ywy eya. Tuotohme exikety sã tyrise ywy eya.

Jo 16:14

Soutatu oehtoh sã tooehse ynororo ya. Jyyryhmãko roropa nexiase, ywy tytahtahkase porehme eya.

Jo 16:17

Yrome imehnõ onyryhmara exiase, oturũko exiase Ritonõpo a zae rokẽ ehtoh poko.

Jo 2:13

Morarame typorohse toto nono pona topekõ maro. Moroto tõmehse toto 7me, tykohmãse roropa mynyhme rokene. Tõtururukõ waro pyra toh nexiase, itamurume Jo etuarimary eneryke tyya xine.

Jo 2:3

Mame ynara tykase Ritonõpo: — Ypoetory Jo meneno? Moro nono po imepỹ pyra mana Jo panono. Zae exiketyme mana. Ajohpe pyra exiketyme, jeahmaneme roropa mana. Zae pyra ehtoh poko pyra mã ynororo ipunaka. Õmiry omi poe onewomara toehse ywy, iiryhmatohme oya, zae aexiry kuhtohme oya repe. Oerekohmara ynororo ahtao ro tyyryhmase ynororo oya. Morara ahtao ro zae ro exiketyme mana, ajohpe pyra ipunaka, tykase Ritonõpo joroko tamuru a.

Jo 2:7

Mame tutũtase ropa joroko tamuru Ritonõpo ẽpatae. Tyrohsẽ tyripose eya Jo pũ poko. Itamurume muretanoimo hpe toehse ynororo kunu maro. Ipupuru poe zupuhpyry pona tymoke toehse ynororo.

Jo 27:2

“Jomiry etapõko ase Ritonõpo Jamihmehxo Exikety netaryme, zae jyriry se pyra mã ynororo, itunety rokẽ ekarõko ya mana, ukurohtaka.

Jo 30:22

Tyryrykane konõto ke jaropõko mase, tyryrykane jamihme exikety ke jemajemãko mase mya, xiaro ropa.

Jo 33:10

Ritonõpo ikonehmãko rokẽ mana etonatohme ymaro. Topekarame jekarõko mana.

Jo 34:6

Ekaropõko mana: ‘Otyme kure ajohpe jotururuhtao, azahkuru jekaroryhtao? Kure pyra ase, ekurãkapỹme, iirypyryme pyra jahtao ro.’

Jo 9:16

Otarame Ritonõpo kohmaryhtao ya apiakatoh taka ytotohme, mame toytose ynororo ahtao, ynara enetupuhnõko ase: jomiry onetara Ritonõpo exiry mana.

Saumu 25:3

Oenetupuhnanõ ehxiropyra exĩko mã toto, toto onyporemãkapopyra oexiryke. Yrome mokaro orumekary se exiketõ poremãketõme exĩko mã toto.

Saumu 29:5

Wewe konõto apupari tahkãko aomiry mana. Apupari tahkãko mana ypy tõ Ripano po.

Saumu 83:15

mya mokaro aropoko tyryrykane konõto ke, enaromỹke tyriko toto tyryrykane jamitu ke, wiriwirikane ke.

Izaja 28:17

Zae ehtoh rĩko ase tyrinanõ kyryryme, ajohpe pyra ehtoh ykyryryme exĩko mana, ikuhtohme.” Atapyĩkõ õsewomatohkõme ekarõko matose repe. Yrome morohne arõko konopoimo mana topuxikiri maro, tarosẽme exĩko mana tuna zueme toehse exiryke.

Jeremia 23:19

Oturuase ro: — Zehno Ritonõpo ehtoh konopoimo sã mana, tyryrykane jamihme exikety mana wiriwirikane samo, popyra exiketõ zupuhpyry epoe.

Ezekieu 13:13

Seromaroro ynara ãko Ritonõpo Kuesẽkõ mana: — Ozehno xine jexiryke tyryrykane jamihme exikety enehpõko ase konopo maro itamurume, topuxikiri panõ maro moro apuru emapotohme.

Mateu 12:20

Pitiko zemime toehse nãparina ahtao onezehkapopyra ynororo mana, amoriry etahkasẽ anaorihmapopyra mana tomeseke. Tyyrypyrykõke iporemãtyã pitiko zemime exikety sã mana. Mokaro pynanohnõko mana. Etuarimaketõ pynanohnõko roropa mana pitiko rokẽ enetuputyryhtao ro eya xine. Toto zehno pyra exĩko mana. Toto akorehmãko roropa mana itamurumehxo tonetupuhtohme toto a. Orẽpyra exikehpyra ynororo mana. Zae pyra ehtoh enahkapõko roropa mana.

Mateu 7:27

Mame konopo tooehse itamurume. Tuna tukumase roropa. Mame itapyĩ tomase tyryrykane a nakuaka. Tuna a tarose tapyi, tykase Jezu eya xine.

João 15:25

Morara toehse Ritonõpo nymeropohpyry ae ro pake Moeze a. Ynara tykase ynororo: “Yzetũ tanỹse eya xine epokapỹme,” tykase ynororo.

João 9:3

— Arypyra, tykase Jezu. — Iirypyrykõ poe pyra tonure pyra tonuruse mana. Tonurẽkara mose ro Ritonõpo jamitunuru enepotohme ro aexihpyry mose ro.