Jo 9:10 - Ritonõpo Omiry: A Bíblia Sagrada na língua Aparai do Brasil

¹⁰ Onenetupuhsaromepyra sytatose emero Ritonõpo nyrityã kurano. Inyrityã poko osenuruhkãko sytatose. Inyrityã tyjamitunuru ke enahpỹme mana, ikuhpỹme roropa mana.

Jo 9:10 ပူးပေါင်းရင်းမြစ်များ

Jo 37:23

Ritonõpo Jamihmehxo Exikety jamihme kuhse mana, naeroro oehsaromepyra sytatose ipũtokoxi, zae rokẽ mana, ahno onyryhmara mana.

Jo 37:5

Ritonõpo omiry takararahãko mana; tyjamitunuru ke imehxo exiketõ rĩko mana, morohne onenetupuhsaromepyra sytatose.

Jo 5:9

Inyriry tõ osenuruhkatoh enetupuhsaromepyra sytatose. Inyrihpyry tõ tyjamitunuru ke enahpỹme mã kehko.

Saumu 136:4

Ritonõpo rokẽ osenuruhkatoh Rihpõme mana; kypyno xine exikehpyra mana.

Saumu 145:3

Imehxo Kuesẽkõ mana, eahmary kyya xine kure mana; imehxo aexiry kuosenetupuhtohkõ motye mana.

Saumu 71:15

Zae oehtoh ekarõko ase; ypynanopyryke oya ekarory poko kohmãnõko ase, josenetupuhtoh motyehxo moro ahtao ro.

Saumu 72:18

Ritonõpo eahmatoko, Izyraeu tõ Esemy! Ynoro rokẽ morohne emero Rihpõme aexiryke.

Exutu 15:11

Imepỹ ritõ apanõ pyra mana, Ritonõpo! Onoky nae kurano, Imehxo Exiketyme apanono? Onokãkõ tyjamitunuru ke tyrĩko nae, typoetory tõ ewomãko roropa nae?

Ekereziaxti 3:11

Ritonõpo nyrityã emero kure potu mana, toto ehtoh toehse ahtao. Isene exikehpyra ehtoh tyrise roropa eya kukurohtaka xine. Yrome inyrityã emero onenetupuhpyra sytatose.

Romanos 11:33

Kure kuhse Ritonõpo mana imehnõ motye emero. Tuaro kuhse roropa ynororo. Emero ehtoh waro mana. Ritonõpo osenetupuhtoh waro pyra sytatose ipunaka. Ayaytory waro pyra roropa sytatose ipunaka.

Epezu 3:20

Mame tyjamitunuru ke kynekaropohpyrykõ motye tyriry waro Ritonõpo mana. Kynenetuputyhpyrykõ motye tyriry waro roropa mana, kukurohtaka xine.