Jo 8:21 - Ritonõpo Omiry: A Bíblia Sagrada na língua Aparai do Brasil

²¹ Ritonõpo poe exianãko ropa mase, kui ãko roropa mase ãtãkyemaryke.

Jo 8:21 ပူးပေါင်းရင်းမြစ်များ

Jenexi 21:6

Morarame ynara tykase Sara: — Ritonõpo nekarohpyry poko tãkye toehse ywy. Exianãko ase. Moro poko etaryhtao imehnomo a ymaro exianãko roropa mã toto.

Neemia 12:43

Moro ẽmepyry ae okyno tuhke tyahkase eya xine tynekarorykõme Ritonõpo a. Oseahmãko toh nexiase, tãkye toexirykõke. Ritonõpo poe atãkyemãko toh nexiase. Nohpo tõ roropa poetohti tõ maro oseahmãko toh nexiase, toto panaikatõ totase imehnomo a moe exiketomo a.

Jo 35:10

Yrome eramara ropa mã toto Ritonõpo a, tyrihpõkomo a. Ijamitunuru ekarõko mokyro mana, koko ahtao.

Jo 5:22

Etonatoh toehse ahtao exianãko mase, omise ehtoh konõto toehse ahtao roropa, onokyro tõ itu htaõ kõ zuno pyra exĩko roropa mase.

Saumu 100:1

Ritonõpo eahmaryme oeremiatoko, emero sero nono põkomo!

Saumu 126:1

Kuenepyrykõ ropa ahtao Kuesẽkomo a Jerusarẽ pona osenehketõ sã sexiatose.

Saumu 126:2

Exianãko sexiatose, eremiãko roropa tãkye kuexirykõke. Mame ynara tykase imehnõ nonory põkõ kypoko xine: “Kure rokẽ mokaro tyrise Ritonõpo a.”

Saumu 126:6

Mokaro ixitatyã toytorykohtao, ipuhturu puimãko arykatohme, oehnõko ropa mã toto toremiarykõme, tãkye rahkene, tykyrysã enepyryhtao.

Saumu 32:11

Tãkye ehtoko emero zae ehtoh poko exiketomo, Ritonõpo nyrihpyry poko atãkyematoko! Eremiatoko tãkye rahkene, amarokõ emero aomiry omipona exiketomo!

Saumu 98:4

Oeremiatoko tãkye Ritonõpo eahmaryme, sero nono põkõ porehme! Kuesẽkõ eahmatoko eremiatoh ke, kui katoh ke roropa tãkye oehtohkõke.

Ruka 6:21

— Tãkye roropa matose omise exiketomo. Imeĩpo otuhnõko matose. Tuesapare exĩko roropa matose. — Amarokõ roropa xitaketomo, tãkye ehtoko. Imeĩpo exianãko ropa matose.