Jo 8:13 - Ritonõpo Omiry: A Bíblia Sagrada na língua Aparai do Brasil

¹³ Moro sã exĩko mokaro a, tuenikehse exiketõ Ritonõpo poko. Toiparo rokẽ kure ehtoh eraximãko popyra exiketõ mana.

Jo 8:13 ပူးပေါင်းရင်းမြစ်များ

Jo 11:20

Yrome popyra exiketõ tỹkakoxi osenuhmãko mã toto, enaromỹke, otonẽtoh zupĩko mã toto epatohme repe. Yrome onenepyra mã toto; toorikyrykõ rokẽ eraximãko mã toto.”

Jo 13:16

Otarame zuno pyra jexiryke typynanohsẽme exĩko ase, ynara exiryke: popyra exiketõ mã ytopyra Ritonõpo ẽpataka.

Jo 15:34

Popyra exiketõ typoenõke pyra exĩko mã toto, tapyi tõ tyrise ahtao imehnõ enekunohtoh ke, moro zahnõko mã kehko apoto ke.

Jo 18:14

Tousẽme exĩko mã toto tytapyĩkõ htae, moro tao torẽnase toh nexiase towomase sã roropa, mame tysyryhmasẽme exĩko mã toto Tuisa Orihtoh ẽpataka.

Jo 20:5

Popyra exiketõ axĩtao rokẽ tãkye exĩko mã toto. Okynã pyra tãkye toto ehtoh enahnõko ropa mana.

Jo 36:13

“Ritonõpo waro pyra exiketõ mã zehno exikehpyra tukurohtao xine, tuãnohse toto ahtao ro, takorehmanekõ onykohmara mã toto.

Jo 8:12

Tuna tonore toehse ahtao ahtaryhtao ro, onysahkara ahtao, anorỹko mã kehko axiny, imehnõ otyro sã pyra.

Saumu 1:4

Yrome Ritonõpo omipona pyra exiketõ moro sã pyra mana; otupĩko mã toto, tyryrykane a arexi pihpyry arory sã exĩko mã toto.

Saumu 10:4

Popyra exiketõ Ritonõpo onupipyra mã toto; toepyrypatohkõke oty kara mã toto Ritonõpo poko.

Saumu 112:10

Moro eneryke popyra exiketomo a tohne exĩko mã toto; mokyro se pyra toh mã repe, osenahkãko rokẽ mã toto. Popyra exiketõ ise ehtoh enahnõko rokẽ mana, arypyra exĩko ropa mana.

Saumu 50:22

Etatoko pahne, jenetupuhpyra exiketomo, jomiry onetara awahtao xine oenahkatorỹko ase. Mame opynanohnekõ pyra exĩko mana.

Saumu 9:17

Etyhpyryme orihnõko mã toto, Ritonõpo rumekananõ maro emero.

Porowepio 10:28

Kurãkõ eraximaryhtao zae ehtoh poko exiketomo a tãkye exĩko mã toto, yrome popyra exiketõ typenetatohkõ poko osenetupuhtoh onyripyra ekurehnõko mã toto.

Porowepio 11:7

Popyra exiketõ orikyryhtao ineraximahpyrykõ tonahsẽme exĩko mana; tãkye tymõkomory poko aehtopõpyry tonahsẽme exĩko roropa mana.

Porowepio 12:7

Popyra ehtoh poko exiketõ osenahkãko mã toto, typakõke pyra, yrome zae ehtoh poko exiketõ ekyry kure rokẽ exĩko mã toto.

Izaja 33:14

Pata Xião po, iirypyrymãkõ tykytyky ãko mã toto. Ynara ãko mã toto enaromỹke toexirykõke: “Otãto orihpyra exĩko sytatou moro apoto enahkatoh pũto kuahtao xine, jũme ezehpyra exikety pũto kuahtao xine? Onoky osewomãko nae zahpyra toehtohme?”

Izaja 51:13

Wenikehnõko matose ywy Orihpõkõ poko; ya kapu tyrise myahxo, sero nono roropa. Enaromyra ehtoko ozehno xine orohmanohponanõkõ poko, oenahkaporykõ se exiketõ poko. Oryhmapozomosaromepyra xine toehse ozehnotokõ mana.

Ramẽtasão 3:18

Okynã pyra orihnõko ase; Ritonõpo eraximary poko ya jakorehmatohme tonahse nase.

Mateu 24:51

Mame tooehse tahtao typoetory kahpyry wãnohnõko mana. Jehno toexiryke iiryhmãko roropa mana. Imehnõ ajoajohpãkõ maro mokyro emãko mana. Moroto xitãko ynororo, kui kui ãko. Enara.

Teuteronomiu 6:12

tomeseke ehtoko wenikehpyra oehtohkõme Ritonõpo poko, eya tonehse oexirykõke Ejitu poe, imehnõ namotome oehtopõpyrykõ poe.

Teuteronomiu 8:11

— Tomeseke ehtoko, Ritonõpo Oesẽkõ poko wenikehpyra oehtohkõme. Inyripohpyry tõ, ynekarohpyry seromaroro oya xine omipona ehtoko emero porehme.

Teuteronomiu 8:14

Moro toehse ahtao tomeseke ehtoko epyrypara oehtohkõme, wenikehpyra roropa oehtohkõme Ritonõpo Oesẽkõ poko, eya tonehse mexiatose Ejitu poe, moroto mexiatose imehnõ namoto tõme.

Teuteronomiu 8:19

Yrome Oesẽkõ poko tuenikehse awahtao xine, imehnõ neponãmarykõ eahmaryhtao oya xine, oenaroximatorỹko ase seroae, tonahkasẽme exĩko matose rahkene.