25 Ajohpe pyra exikety zae ehtoh ekarõko mana. ‘Ajohpe pyra,’ kamexipõko mana etananomo a. Yrome jyhxirory oya xine zae pyra rokẽ mana.
Mynyhme rokẽ toehse awahtao xine, kurehxo exiry, tuaro oekarõko imehnõ mana!
“Jepe tomo, jemuhkehkasaromepyra matose, õmirykõ emero ajohpe rokẽ mana.”
Onoky sero jomiry zae pyra ekarõko nae? Onoky ajohpe jekarõko nae? Moro joturutopõpyry zae mã ipunaka.”
Yrome ãmoreparykõ se pyra matose ya, morohne tonese oya xine exiryke. Morara exiryke oty katoh putupyra exiketõ sã sekere ãko matou?
Mokaro roropa, Jo epe tõ oseruaõkõ zehno roropa nexiase, Jo onezuhsaromepyra toto exiryke. Morara exiryke zae pyra Ritonõpo tokarose sã eya xine.
Tõsetapase ahno ahtao, totaehse toto ahtao, jamihme pyra toehse toto ahtao, õmiry ke takorehmase, toto tanỹse ropa xikihme.
“Kuamorepatoko, mame oezuhpyra exĩko ase; azahkuru jehtopõpyry enepotoko ya.
Jotururu hxirory se hmatou? Tyryrykane sã rokẽ jomiry ekarõko matou, orutua tyhtomase exiketyme jahtao?
Sekerekane õmiry imepỹ wõko sã mana pyrou potyry samo, yrome tuaro exikety omiry mã imehnõ akorehmãko ekurãkatohme ropa.
Zae ezuhtoh ekarory waro awahtao tãkye exĩko mase; kure kuhse mana omi kurã ekaroryhtao zae moro omi ekarotoh toehse ahtao!
Õmiry ke imehnõ pynanohnõko mase te, imehnõ ryhmãko roropa mase; naeroro tomeseke sã oturuko, mame kurãkõ rokẽ apoĩko mase.
Emese kure sã omi kurã ekaroryhtao, uuru risẽ sã mana epery kuhtoh samo tyrise parata risẽ pokona.