24 “Kuamorepatoko, mame oezuhpyra exĩko ase; azahkuru jehtopõpyry enepotoko ya.
Ritonõpo, popyra exiketyme jekaropyra exiko! Kuruko oty poko jyhxirõko mah?
Oty popyra jehtopõpyry nae? Otãto yyrypyry tõ nae? Oty pokoino tyhxirose ywy?
“Õtururukõ eraximase, mokyro ezuhtoh oya xine etatohme repe. Omi kurã tymenekase ahtao oya xine,
“Naeroro, Jo, etako pahne jomiry, otato exiko jotururu poko.
Mekaropoase Ritonõpo a azahkuru oehtoh enepotohme oya? Oorypyry tõ rumekary se mexino morohne poko pyra ropa oehtohme?
Etako pahne, Jo, morohne enease zae ehtoh waro jehtohme. Ajohpe pyra mana. Moro poko osenetupuhko tuaro oehtohme.”
‘Kypynanohko jepetõkara winoino,’ te, ‘Kuewomatoko omato tõ winoino,’ kara exiase.
Ajohpe pyra exikety zae ehtoh ekarõko mana. ‘Ajohpe pyra,’ kamexipõko mana etananomo a. Yrome jyhxirory oya xine zae pyra rokẽ mana.
Tupime kyya xine azahkuru kuehtohkõ enery kyya xine. Naeroro azahkuru jahtao yyrypyry ikorokako, zuaro pyra jehtopo.
Ynara tykase Ritonõpo Jesemy ya: “Ãmorepãko ase oesemary ae zae oytotohme; ãkorehmãko ase oesemary menekary poko, zae ehtoh enepõko ase oya tuaro oehtohme.
Otato ahno ahtao tuaro se toexiryke, tuaro exikety namorepary kure kuhse mana, omahtao uuru risẽ motye te, õkyry uuru kurã risẽ motye roropa mana.
Tuaro exiketõ amoreparyhtao tuarohxo exĩko mana. Zae ehtoh poko exikety amoreparyhtao zuarohxo exĩko mana.
Morara exiryke jakorõ tomo, otato sehtone. Opyno xine ase. Axi hkopyra imehnõ sezuhtone, axĩ pyra roropa syekĩtatone. Moro waro matose.
Kymarokõ emero azahkuru sytatose. Toitoine rokẽ pyra. Kuomirykõ xihpyry poko kuahtao xine iirypyryme exĩko roropa sytatose. Kuomirykõ poko iirypyryme pyra kuahtao xine, kure rokẽ sytatose. Orẽpyra sytatose exĩko. Kyyrypyrykõ poko pyra roropa sytatose exĩko.