Jo 6:19 - Ritonõpo Omiry: A Bíblia Sagrada na língua Aparai do Brasil

¹⁹ Mokaro oehketomo Tema poe, Sapa poe roropa, moro iporiry tõ zupĩko tõkurukõme repe.

Jo 6:19 ပူးပေါင်းရင်းမြစ်များ

Jenexi 10:7

Kuxe poenõ kynexine Sepa, Hawira, Sapata, Raama, Sapateka, enara. Raama poenõ kynexine Sepa te, Tetã, enara.

Jenexi 25:15

Hatate te, Tema te, Jetua te, Napi te, Ketema, enara toh kynexine,

Jenexi 25:3

Jokosã toemũkuase asakoro: Sepa te, Tetã, enara. Tetã pakomotyã ynara kynexine: asureu tomo te, retuseu tomo te, remueu tomo, enara.

1 Tuisa 10:1

Mame Saromão imehxo ehtoh ekary poko totase Sapa tuisary nohpo a. Naeroro toytose ynororo Jerusarẽ pona ikuhse, tupimã ke ekaropotohme eya.

Jo 1:15

Axĩ sapeu tõ tooehse osetapase, mame emero tarose eya xine. Opoetory tõ totapase roropa eya xine. Ywy rokẽ epano moro ekarotohme oya.

Jo 2:11

Morarame topeke Jo nexiase, oseruao, Eripaze, Temã pono te, Piutate, Sua pono te, Zopaa, Naama pono, enara. Zuaro toehse toto ahtao Jo etuarimatoh poko tõturuse toto oseya, oximõme, toto ytotohme Jo enese, akorehmatohme emuhkehkatohme.

Jo 6:18

Ahno tõ ytoketõ tahnõko mã toto tuna zupiry poko repe, onenepyra toto ahtao orihnõko mã toto ona tonorẽ poro toytorykohtao.

Saumu 72:10

Expania tuisary tõ, ahmõta tõ tuisary roropa tynekarorykõ enehnõko mã toto eya, mokaro roropa Arapia tuisary te, Etiopia tuisary roropa tynekarorykõ enehnõko mã toto eya.

Izaja 21:14

Tema põkomo, mokaro Tetã põkõ akorehmatoko, tuna ekarotoko eya xine te, tonahsemy, enara.