Jo 5:22 - Ritonõpo Omiry: A Bíblia Sagrada na língua Aparai do Brasil

²² Etonatoh toehse ahtao exianãko mase, omise ehtoh konõto toehse ahtao roropa, onokyro tõ itu htaõ kõ zuno pyra exĩko roropa mase.

Jo 5:22 ပူးပေါင်းရင်းမြစ်များ

2 Tuisa 19:21

— Õmiry etaryke tyya ynara ãko Ritonõpo, Izyraeu tõ Esẽ oya mana: “Senakeripe, Jerusarẽ põkõ exianãko mã toto opoko, oeunohnõko mã toto.

Jo 8:21

Ritonõpo poe exianãko ropa mase, kui ãko roropa mase ãtãkyemaryke.

Saumu 91:13

Opupuru ke reão tõ tũtũmãko mase, okoi tõ roropa, reão tõ osekatõ komo te, okoi tõ orihmatõ komo.

Saumu 91:6

Enaromyra mase exĩko tyrohsẽ poko koko, tykohmãse ahtao, orihmatoh poko roropa saereme ahtao.

Izaja 35:9

Moro osema po reão tõ pyra exĩko mana, onokyro tõ ytoytopyra mã toto moro ae; mokaro ipynanohtyã rokẽ Ritonõpo a moro osema ae ytõko mã toto.

Izaja 65:25

Kaikuxi tõ itu htaõ kõ, kaneru tõ maro otuhnõko mã toto, reão tõ onahpoty enahnõko mã toto pui tõ samo, okoi tõ onesekara exĩko mana. Xião po ypy jesary kurã po ryhmato pyra exĩko mana, popyra ehtoh pyra exĩko roropa mana ipunaka,” ãko Ritonõpo mana.

Ezekieu 34:25

Mame jomiry etapõko ase eya xine, toto ewomatoh ya waro toto ehtohme. Onokyro tõ enahkapõko ase okyno esekananomo, Izyraeu tõ nonory po. Mame jeky tõ kaneru tõ enaromyra exĩko mã toto ona po, nyhnõko mã toto itu htao roropa.

Ozeja 2:18

— Moro ẽmepyry toehse ahtao jomiry etapõko ase onokyro tomo a, torõ tomo a te, okoi tomo a roropa ypoetory tõ onesekara toto ehtohme. Taky tõ pyrou roropa itahkãko ase warata tomo, tapema tõ roropa oseosetapara toto ehtohme. Ypoetory tõ osepeme exĩko mã toto, towomasẽme exĩko roropa mã toto.