Jo 5:2 - Ritonõpo Omiry: A Bíblia Sagrada na língua Aparai do Brasil

² Otyme kure imehnõ zehno oexiry? Oorihmapõko rokẽ mana. Toiparo rokẽ torẽtyke tuaro pyra exikety mana imehnõ poko. Orihnõko mana, imehnõ zumoxike toexiryke.

Jo 5:2 ပူးပေါင်းရင်းမြစ်များ

Jenexi 30:1

Morarame tuaro Rakeu toehse ahtao emũkuasaromepyra toexiry poko typaxiry Reia zumoxike toehse ynororo. Ynara tykase ynororo tynio a: — Umũkuru tõ ekaroko ya, jorikyryino, tykase.

Jenexi 38:9

Yrome tuaro Onã kynexine, toemũkuase ahtao tumũkurume pyra ehtoh waro kynexine, turui mũkurume aehtoh waro. Morara exiryke turui pytỹpyry maro tahtao jeipyry tukuãse eya nono pona rokene, emũkuara toehtohme turui mũkurume.

Jo 18:4

Onyetũ ke atapurõko rokẽ mase. Tohne oexiryke sero nono patãpome exĩko nae? Opokoino ypy tõ syryhmapõko Ritonõpo nae? Nary.

Saumu 107:17

Toitoine putupyra exiketõme sã toh nexiase, toetuarimase toh nexiase tyyrypyrykõ pokoino, Ritonõpo omiry omipona pyra toexirykõke;

Saumu 14:1

Putupyra exiketõ mã mokaro, ynara kananõ tukurohtao xine: “Ritonõpo pyra mana,” kananomo. Popyra rokẽ mã mokaro, inyrityã nuriame; zae ehtoh poko exikety pyra mana ipunaka.

Saumu 75:4

Popyra exiketomo a ynara ãko ase: Imehnõ motye kure osekaropyra ehtoko;

Saumu 92:6

Tuaro pyra exikety zuaro pyra mana, putuhtome exikety sero onenetupuhpyra roropa mana:

Porowepio 12:16

Putupyra exikety tyhtomase ahtao okynã pyra moro poko zuaro exĩko imehnõ mana emero porehme, yrome tuaro exikety tyyryhmase ahtao “Oty kara!” ãko rokẽ mana.

Porowepio 19:16

Ritonõpo nyripohpyry omipona exikety okynahxo isene exĩko mana; aomipona pyra awahtao orihnõko mase.

Porowepio 19:19

Zehno exiketyme ahno ahtao, ah inyrihpyry epehpyry napoino emetakame, ynara exiryke, mokyro akorehmaryhtao oya toiro, imeĩpo takorehmapory se exĩko ropa mana oya.

Porowepio 27:3

Topu te, isawã roropa omoxĩ mã kehko ipuimaryhtao ahno a, yrome morohne motye kuhse putupyra exikety nyriry mana, omoxiny.

Porowepio 8:5

Poetome ro mase, zae ehtoh waro nymyry pyra ro mase. Atamorepako zae ehtoh waro oehtohme. Putupyra exikety sã pyra exiko. Zae ehtoh poko atamorepako tuaro oehtohme.

Ekereziaxti 7:9

Imehnõ zehno oehtoh ikuremako. Imehnõ zehno ehtoh putupyra exikety sã mana.

Ozeja 7:11

Utuku putupyra exikety sã toehse Izyraeu tõ mana: osemazuhme Ejitu pona ytõko takorehmapotohkõme, imeĩpo Axiria pona ytõko mã toto takorehmapotohkõme eya xine.

Jona 4:9

Yrome ynara tykase Ritonõpo eya: — Aimo, zae oya yzehno oehtoh otyro orihtopõpyry pokoino? tykase. — Ỹ, tykase Jona, zae ro ase, tohne jahtao. Tyekĩtapãse jexiryke joorikyry se ase! tykase.

Romanos 2:8

Mãpyra imehnõ mã typenetatohkõ se rokẽ toto. Zae ehtoh rumekãko toto, azahkuru rokẽ toehtohkõme. Mokaro zehno Ritonõpo exĩko mana. Toto wãnohnõko roropa mana.

2 Timoteu 3:6

Toitoine mokaro zae pyra imehnõ amorepãko mã toto. Imehnõ tapyĩ taka omõnõko mã toto, nohpo tõ omipohtomase. “Jomipona awahtao xine, ytopyra matose apoto konõto htaka,” ãko toh mã repe. Mame ataomipohtomapõko mã toto. “Iirypyryme ase,” ãko rokẽ mã toto, yrome tyyrypyry rumekary se pyra mã toto.