Jo 5:19 - Ritonõpo Omiry: A Bíblia Sagrada na língua Aparai do Brasil

¹⁹ Tuhke ẽmepyry ae opynanohnõko Ritonõpo mana popyra ehtoh wino, oryhmapopyra roropa mana popyra ehtoh oryhmaryino.

Jo 5:19 ပူးပေါင်းရင်းမြစ်များ

Saumu 34:19

Zae ehtoh poko exiketõ etuarimãko roropa mana, yrome morara toehse ahtao toto pynanohnõko Kuesẽkõ mana.

Saumu 34:20

Toto ewomãko mana, ipunaka; jehpyry onyhmopyra exĩko mana emero porehme.

Saumu 66:12

Yna tytũtũmapose oya yna zehno exiketomo a. Apoto kuroko ynanytoase, tuna kuroko roropa, yrome seromaroro kuenepyatose ropa osa towomaneke exikety pona.

Saumu 91:15

Ykohmaryhtao eya xine ezuhnõko ase, aetuarimarykohtao imaro xine exĩko ase. Toto pynanohnõko ase, imehxo toto rĩko ase.

Porowepio 24:16

Ajohpe pyra exikety epuepukaryhtao owõnõko ropa mana. Yrome popyra ehtoh poko exiketõ enahkãko mana, popyra ehtoh toehse ahtao.

Porowepio 6:16

Sero 7mãkõ Ritonõpo zamaro pyra ipunaka: epyrypakety ẽmyty te, omi ajohpano te, imehnõ zae exiketõ etapananomo te, popyra ehtoh riry poko osenetupuhkety te, tupupuru ke axĩ ytokety popyra ehtoh rise te, ajohpe rokẽ imepỹ hxirory se exikety te, imehnõ akorekehkapone osepeme pyra toto ehtohme.

Izaja 43:2

Tuna zuemã rãnakuroko oytoryhtao, amaro ase, nerypyra exĩko mase. Apoto rãnakuroko oytoryhtao zahpyra exĩko mase.

Jeremia 39:17

Yrome ywy Ritonõpo, oewomãko ase, oekaropyra exĩko ase ozehno exiketomo a, mokaro zuno oehtyã winoino

Tanieu 3:17

Morara toehse ahtao, Ritonõpo yna Esẽ yna ewomary se tahtao yna ewomãko mana, tomase yna ahtao apoto htaka. Yna pynanohnõko mana yna onyryhmara oehtohme.

Tanieu 3:25

— Otara nexino? Otãto asakoropane ahno enẽko ywy ytoytõko, tymyhpokase apoto ẽ ao? tykase tuisa, tõturupose. Ytoytõko mã toto apoto htao! Onyahkara toehse. Mokyro asakoropane exikety enẽko ase Ritõ mũkurume samo.

Tanieu 6:16

Naeroro typoetory tomo a Tanieu tonehpose tyya, mame tomapose ynororo reão tõ ẽ aka. Yrome ynara tykase ynororo Tanieu a: — Ritonõpo Oesemy a, aomiry omipona oexiryke, opynanohpory se hano.

Tanieu 6:17

Topu tyrise eya xine reão tõ esary omõtoh apurume. Tapuhse roropa, tuisa esety ke azawa panõ pokona omahtao ke, kowenu tuisary tõ emahtaõ ke roropa, Tanieu onypynanohsaromepyra imehnõ ehtohme.

1 Korĩtiu 10:13

Tukuhse awahtao xine ynara zuaro matose imehnõ roropa morararo tyyrypyrykõ poko tukuhse mã toto. Yrome jamihmehxo Ritonõpo mana. Tõmihpyry ae ro ãkorehmatorỹko mana tukuhse awahtao xine. “Epo nase,” ãko mana. Okuhnekõ aropõko roropa mana owinoino xine. Jamihme pyra awahtao xine ajamihtanohtorỹko mana oorypyrykõ poko pyra oehtohkõme. Ajamihtanohtorỹko mana oorypyrykõ rumekatohme oya xine.

2 Korĩtiu 1:8

Jakorõ tomo, wenikehpyra ehtoko yna etuarimatopõpyry poko Azia po. Toetuarimase itamurume yna exiryke poremamyĩse ynanexiase. Yna orikyry eraximãko rokẽ ynanexiase.

2 Peturu 2:9

Typoetory tõ pynanopyry waro Kuesẽkõ mana etuarimara toto ehtohme. Yrome iirypyrymãkõ tuarimapõko mana, onuãnohkehpyra mana toto ehtopõpyry epehpyryme kurãkõ apiakatoh po.