Jo 5:17 - Ritonõpo Omiry: A Bíblia Sagrada na língua Aparai do Brasil

¹⁷ “Tãkye mokyro mana, tukurãkase exikety Ritonõpo a! Naeroro tohne pyra exiko tuãnohse awahtao Ritonõpo Jamihmehxo Exikety a.

Jo 5:17 ပူးပေါင်းရင်းမြစ်များ

Jo 11:13

“Jo, okurohtao eramako ropa Ritonõpo a. Oemary tõ anỹko õtururume eya.

Jo 15:11

“Oemuhkehkary se Ritonõpo mana, yrome moro se pyra mase, oty katohme? Ipoe tõturuse yna amaro tomeseke samo.

Jo 36:15

Yrome etuarimatoh ke ahno amorepãko Ritonõpo mana. Popyra ehtoh eneryke enurukõ etapuruhmakãko mana enetupuhtohme Ritonõpo poko.

Jo 36:16

“Jo, typynanohse mexiase Ritonõpo a popyra ehtoh wino, towomase mexiase eya torẽtyke pyra oehtohme. Okyryry otuhtoh kurã po rokẽ motukuase, tonahsẽ kurã menapyase.

Jo 8:5

Seromaroro eramako ropa Ritonõpo a, oturuko Jamihmehxo Exikety a.

Saumu 118:18

Tuãnohse exiase yronymyryme eya, yrome jorihmapopyra nexiase.

Saumu 94:12

Ritonõpo yna Esemy, tãkye mã mokaro tamorepase exiketõ oya, Õmiry poko anamorepatyamo.

Jeremia 31:18

“Ypoetory tõ, Izyraeu tõ kerekeremary etãko ase: Ynara ãko mã toto: ‘Ritonõpo, pui mũkuru sã ynanexiase, ekuremara ro exiketõ samo. Yrome tamorepase ynanexiase oya, õmiry omipona yna ehtohme. Yna enehpoko ropa oya, Ritonõpo, mame oehnõko ropa ynanase oya, yna Esẽme oexiryke.

Teuteronomiu 8:5

Naeroro zuaro ehtoko okurohtao xine: tumũkuru amorepary sã jumy a, moro sã kuãnohtorỹko Ritonõpo mana zae pyra kuahtao xine.

Tiaku 1:12

Kuetuarimarykohtao poremãpyra sehtone, tãkye rokẽ sehtone. Mame kukuhtopõpyrykõ tõtyhkase ahtao, jũme orihpỹme kyritorỹko Ritonõpo mana, kuepehpyrykõme, poremãpyra toehse kuexirykõke. Kuesẽkõ maro exĩko sytatose, emero ise exiketõ maro. Morara tykase Ritonõpo exiryke tuaro sytatose.

Tiaku 5:11

Tãkye rokẽ toh mana seromaroro, zae rokẽ Ritonõpo omipona toehse toexirykõke orihpyra ro tahtao xine. Toetuarimase toto itamurume Ritonõpo omipona toexirykõke. Yrome onurumekara toto. Morararo toehse Jo. Toetuarimaryhtao penekehpyra toehse ynororo, Ritonõpo a kure tyripory ropa eraximary poko. Imeĩpo kure Jo tyrise ropa Ritonõpo a tõseanahtose itamurume exiryke. Morara exiryke soseanahtotone ropa. Kypyno xine ipunaka Ritonõpo mana. Kuãnopyrykõ se pyra roropa mana.

Apokaripxi 3:19

Imehnõ pyno jahtao, toto zurũko ase. Zae pyra toto ahtao toto tuarimapõko roropa ase kure toto ehtohme. Naeroro yronymyryme oorypyrykõ irumekatoko.