Jo 5:14 - Ritonõpo Omiry: A Bíblia Sagrada na língua Aparai do Brasil

¹⁴ Tãxiahtao tykohmãse eya xine mana, tonurãkara sã tomarykõ ke osema zupĩko mã toto.

Jo 5:14 ပူးပေါင်းရင်းမြစ်များ

Jo 12:25

Ixinukuturu htoko toytorykõ kuhnõko mã toto, tonurãkara, osetapãko mã toto, toetỹse exiketõ samo.

Jo 15:30

Mokyro popyra exikety, xinukutume ehtoh wino epara mana, orihnõko. Wewe amoriry sã exĩko mana tyahse ahtao apoto ke, ekuru tomo tyryrykane a tarosẽme exĩko.

Jo 18:18

Mokyro taroposẽme exĩko mana isene exiketõ esary winoino. Saereme ehtoh winoino roropa taroposẽme exĩko mana xinukutumã aka.

Jo 20:26

Imõkomory emero inapoityã tonahkasẽme exĩko mana. Apoto ke, ahno onyripyra aexihpyry ke, tyahkasẽme exĩko mana itapyĩ taõkõ maro.

Jo 22:11

Tykohmãse opona, osenuhmasaromepyra mexino, tuna zueme toehse opona.

Jo 24:13

“Popyra exiketõ saereme ehtoh se pyra mã toto. Toto esemary ao emero, inyriry poko emero rokẽ poko ahtao saereme ehtoh se pyra mã toto.

Jo 38:15

Saereme ahtao zae pyra exiketomo a saeremehxo mana, toto akorekehkãko mana popyra ehtoh poko toexirykõ se toto ahtao.

Exutu 10:21

Mame ynara tykase Ritonõpo Moeze a: — Oemary anỹko kakoxi, ikohmãkapotohme Ejitu nonory poro porehme, xinukutume ehtohme ipunaka, moro xinukutumã apõko sã mã toto.

Exutu 10:22

Tomary tanỹse Moeze a kakoxi. Tykohmãse Ejitu po. Oseruao ikohmamyry taropose ẽmehpyra.

Porowepio 4:19

Yrome popyra ehtoh poko exiketõ esemary xinukutumã sã mana koko exikety samo. Epukãko rokẽ mã toto tosemarykõ onenepyra toexirykõke.

Izaja 59:10

Apuru tõ apoapõko sytatose tonurãkara samo tonure pyra exiketõ samo; tãxiahtao osetapãko sytatose, koko ahtao samo, poetome ro kuahtao xine aorihtyã sã ytoytõko sytatose.

Amoxi 8:9

Moro ẽmepyry toehse ahtao xixi porohkapõko ase tãxiahtao, saereme ahtao ro kohmãnõko mana, xinukutume exĩko mana. Ywy, Ritonõpo oturũko ase.

Teuteronomiu 28:29

Tãxiahtao xiaxiake ytoytõko matose tonurãkara samo, oemary ke oesemary zupĩko matose. Orẽnõko matose emero poko oerokurukohtao, oryhmatorỹko imehnõ mana, omõkomory kurã arõko imehnõ mana, typynanohneke pyra exĩko matose.