13 Toemũkuase roropa 10me ipoenomo, 7me orutua komo, oseruao ẽxiry tomo.
Tumũkue Jo nexiase 7me, tõxike roropa oseruao.
Osemazupu esety Jemima nexiase, zakorony Kaxia, imepỹ roropa Kerẽ-Hapuke.
Yrome tymõkomokãkara typynanohse eya aetuarimatohkõ winoino, ipoenõ tomãkapose eya, eky tõ kaneru tõ samo.
Omũkurukõ Kuesẽkõ nekaroryme mã toto; inekarory kurãme mã oya xine toto.
Mame oekyry tõ imehnõ aenurutyã imepỹ nonory po ynara ãko oya imeĩpo: ‘Sero nono pitikohxo nase; osa zumohxo se sytatose kuesarykõme!’