Jo 42:10 - Ritonõpo Omiry: A Bíblia Sagrada na língua Aparai do Brasil

¹⁰ Moromeĩpo tõturuse Jo ahtao tope tõ oseruaõkõ poko, kure rokẽ Jo tyrise ropa Ritonõpo a, imõkomory itamurumehxo tokarose roropa Ritonõpo a.

Jo 42:10 ပူးပေါင်းရင်းမြစ်များ

Jenexi 20:17

Morara toehse Sara exiryke, Aparão pyty, tyrohsẽ tonehpose Ritonõpo a Apimereke tapyĩ taõkõ pona. Nohpo tõ emero emũkuasaromepyra tyripose toto Ritonõpo a. Mame Aparão tõturuse Ritonõpo a Apimereke tõ poko, tukurãkase ropa toto Ritonõpo a, Apimereke te, ipyty te, ipoetory tõ maro emero, toto emũkuatohme ropa.

2 Koronika 25:9

Tõturupose Amazia a: — Yrome otara exĩko moro parata, ynekarohpyry, soutatu tõ epehpyryme jakorehmatohme eya xine repe? Tozuhse ynororo urutono a: — Moro motye oya ekarõko ropa Ritonõpo mana ekarory se tahtao.

Jo 1:2

Tumũkue Jo nexiase 7me, tõxike roropa oseruao.

Jo 1:3

Tokyke nexiase: kaneru tomo 7 miume te, kameru tomo 3 miume te, pui tomo toiro miume te, jumẽtu tomo 500me, enara. Tuhke roropa typoetoke nexiase. Imehnõ motye tymõkomoke nexiase ynororo moro nono po, xixi tũtatoh wino.

Jo 42:9

Naeroro Eripaze, Temã pono te, Piutate, Sua pono te, Zopaa, Naama pono maro toytose toto tyritohme emero Ritonõpo nyripohpyry ae rokene. Mame Jo otururu totase Ritonõpo a.

Saumu 126:1

Kuenepyrykõ ropa ahtao Kuesẽkomo a Jerusarẽ pona osenehketõ sã sexiatose.

Saumu 14:7

Ritonõpo, Izyraeu tõ pynanohne enehpoko, Jerusarẽ poe! Opoetory tõ enepyry ropa ahtao imeimehnõ nonory poe, tãkye exĩko mã toto Jako pakomotyamo.

Saumu 53:6

Ritonõpo, Izyraeu tõ pynanohne enehpoko Jerusarẽ poe! Opoetory tõ enepyry ropa ahtao Ritonõpo a imeimehnõ nonory poe tãkye exĩko mã toto, Jako pakomotyamo.

Porowepio 22:4

Ritonõpo omipona exiketyme ahtao, imehnõ motye osekaropyra roropa ahtao, tymõkomoke exĩko, tuisamehxo mokyro ekarõko imehnõ mana, okynahxo isene exĩko roropa mana.

Izaja 40:2

Oturuko ipynanopyryme Jerusarẽ põkomo a, toto eahmaryme zuruko toto, tonahse mana imehnõ namotome toto ehtopõpyry, iirypyrykõ tykorokase mã kehko. Tuãnohse toto ya asakoro popyra toto ehtopõpyry emetakame.”

Izaja 61:7

Ohxirotopõpyrykõ tonahse, oporemãkatopõpyrykõ roropa, toanahtose oya xine asakoro oorypyrykõ epehpyryme; yrome seromaroro ononorykõ pona oehnõko matose, asakoro omõkomohpyrykõ apoĩko ropa matose omõkomorykõme, jũme tãkye exĩko roropa matose.

Ajeu 2:8

Parata emero porehme, uuru roropa emero sero nono po ykyryryme mana.

Numeru 12:13

Naeroro ynara tõturuse Moeze Ritonõpo a: — Ritonõpo ajohpãme sã ikurãkako ropa!

Numeru 12:2

Ynara tykase toto: — Ritonõpo tõturuse Moeze ae rokẽ pyra. Tõturuse roropa ynororo kymoro ae. Mame mokaro otururu totase Ritonõpo a.

Numeru 14:10

Imoihmãkõ emero toto etapary se toh nexiase topu ke. Yrome ezuru jamihmã tonese eya xine emero, Ritonõpo Tapyĩ epoe.

Ruka 16:27

— Mame ynara tykase tymõkomokemỹpo Aparão a: “Ỹ, Tam, ajohpãme sã Razaru enyohko papa tapyĩ taka.

Atos 7:50

Ywy rokẽ senohne emero Rihpõme ase. Ya ro kapu tyrise, nono roropa. Senohne emero esẽme ase,” tykase Ritonõpo pake urutono a, tykase Exitewão mokaro a. Mame ynara tykase roropa eya xine:

Atos 7:60

Morarame tosekumuru po toepukase tahtao opore tõmitase rahkene: — Jezu kapuaono moxiã onyhxiropyra exiko jetapary poko, tykase ynororo toorihtohto. Morara kaxĩpo sã rokẽ toorihse ynororo rahkene.

Teuteronomiu 30:3

opynanohtorỹko ropa Ritonõpo Oesẽkõ mana. Oximõme oenehtorỹko mana moro nono tõ poe, sapararahme taropose morotona eya oexirykõke.

Teuteronomiu 8:18

Wenikehpyra ehtoko Ritonõpo Oesẽkõ poko. Eya ajamitunurukõ tokarose oya xine omõkomorykõ apoitohme oya xine. Ritonõpo nyriry enẽko matose tõmihpyry ae ro, inetapohpyry ae ro kytamurukomo a.

Teuteronomiu 9:20

Arão zehno toehse roropa ynororo, etapary se nexiase. Morara exiryke oturuase Ritonõpo a, Arão pynanohtohme ropa.

Tiaku 5:11

Tãkye rokẽ toh mana seromaroro, zae rokẽ Ritonõpo omipona toehse toexirykõke orihpyra ro tahtao xine. Toetuarimase toto itamurume Ritonõpo omipona toexirykõke. Yrome onurumekara toto. Morararo toehse Jo. Toetuarimaryhtao penekehpyra toehse ynororo, Ritonõpo a kure tyripory ropa eraximary poko. Imeĩpo kure Jo tyrise ropa Ritonõpo a tõseanahtose itamurume exiryke. Morara exiryke soseanahtotone ropa. Kypyno xine ipunaka Ritonõpo mana. Kuãnopyrykõ se pyra roropa mana.

1 Samueu 2:7

Imehnomo a etuarimatoh enehpõko Kuesẽkõ mana, yrome imehnõ tymõkomoke tyrĩko mana. Imehnõ tuisame pyra tyrĩko mana. Imehnõ tuisame tyrĩko roropa mana.

1 Samueu 2:8

Tymõkomokãkara pynanohnõko Kuesẽkõ mana. Etuarimaketõ anỹnõko mana toto etuarimatohkõ poe. Toto porohkapõko mana tuisa tõ maro. Imehxo exiketõ esary ekarõko eya xine mana. Sero nono apõ esẽme Ritonõpo mana. Sero apõ po senohne tyrise eya emero porehme.