34 Imehnõ enẽko mã mokyro emero popyra exiketõ samo. Onokyro tõ rãnao epyrypaketõ maro ynoro rokẽ tuisamehxo osekarõko mana.”
Tyjamitunuru ke tuna konõto kuremãko mana. Tuaro toehtoh ke ihpory Raape tonahkapose eya.
Moro osema ae ytopyra kaikuxi tamuru tomo, imehnõ onokyro tõ orẽpyra exiketõ roropa, osekatõ komo.
Morarame Ritonõpo tozuhse Jo a. Ynara tykase ynororo:
Morarame Ritonõpo poetory tõ roropa toto omipona exĩko, zae toto ekarõko mã toto.
Naeroro, epyrypãko mã toto osenao riry samo tomeporyme, imehnõ ryhmãko mã toto upo amururu samo.
— Onoky mokyro, Ritonõpo? tykase tuisa. — Oty katohme aomiry etãko ha, Izyraeu tõ aropory poko ona pona? Mokyro Ritonõpo waro pyra ase. Izyraeu tõ anaropopyra ase taroino.
Popyra ehtoh oehnõko Samaria pona, typatarykõ kurã poko epyrypãko Izyraeu tõ etỹketomo. Pata kurã potu myhene jakanahmã kurã epoe! Apatary põkõ toetỹse mã toto, pata enekure ehtoh enahnõko mana ekuru aremamyry samo.
Kaxiko eya, ynara ãko Ritonõpo Oesẽkomo: “Oepekara ase, Ejitu tuisary, zakareimo tosary po exikety nakuao. Tuna Niro otunaryme ekarõko mase; onyrihpyryme ekarõko mase okyryryme ehtohme repe.
Kaikuxi tamuru sã nexiase mokyro. Ipupuru uuso pupuru sã nexiase. Ĩtary kaikuxi tamuru mytary sã nexiase. Mame zakareimo konõto a tyjamihtanohpose mokyro. Eya tapõ tokarose, tuisa konõtome mokyro tyrise eya roropa.