Jo 40:19 - Ritonõpo Omiry: A Bíblia Sagrada na língua Aparai do Brasil

¹⁹ Mokyro eneryhtao oya osenuruhkãko mase, ynyrihpyryme mã mokyro, jamihme roropa emero motye! Ywy ro rokẽ, mokyro Rihpõme ase. Morararo iporemãkapory waro ase.

Jo 40:19 ပူးပေါင်းရင်းမြစ်များ

Jo 26:13

Pũ katoh ke kapu tukurãkase Ritonõpo a, tomary ke Okoimo epakety totapase eya.

Jo 40:15

“Onokyro Peemote eneko. Ya tyrise ynororo oritopõpyry samo. Onahpoty enahnõko mana pui samo.

Jo 40:18

Mokyro zehpyry tũporemã kehko metau samo, jaxiry kurimene sã roropa.

Jo 41:33

Onoky sã nã ynororo? Imepỹ ipanõ pyra mana, tyrise ynororo imehnõ zuno pyra aehtohme.

Saumu 104:24

Ritonõpo, onyrityã tuhke rokẽ rahkene, tuaro oehtoh ke morohne tyrise oya. Sero nono pehme mana onyrityã ke.

Saumu 7:12

Tyyrypyrykõ rumekary se pyra toto ahtao, tytapemã aehtõko Ritonõpo mana. Tytakỹ toaryhtose eya pyrou tõ ekomatohme.

Izaja 27:1

Mame moro ẽmepyry toehse ahtao, tytapemã apoĩko Ritonõpo mana, tytapemã konõto, jamihme, omoxĩ roropa, mame onokyroimo Rewiatã, okoimo konõto apurõko mana, eiomakety, wazawazame ytokety; mokyro Rewiatã etapãko Ritonõpo mana tuna konõto kuao exikety.