15 “Onokyro Peemote eneko. Ya tyrise ynororo oritopõpyry samo. Onahpoty enahnõko mana pui samo.
Otuhnõko mã toto ypy tõ po, emero rokẽ otyro ahtaryhtao enahnõko mã toto.
Morohne riryhtao oya ywy roropa oeahmãko ase: ‘Ãmoreme orẽpyra mexino,’ ãko ase oya.
Morararo ijamitunuru eneko, jaxiry pũ jamihme mã kehko, zuakuru pũ roropa!
Mokyro eneryhtao oya osenuruhkãko mase, ynyrihpyryme mã mokyro, jamihme roropa emero motye! Ywy ro rokẽ, mokyro Rihpõme ase. Morararo iporemãkapory waro ase.
Onahpoty inapyry ahtãko mana ypy tõ po, moroto imehnõ onokyro tõ osemeikãko mã toto.
Onahpoty ahtanohpõko mase pui tõ napyryme, tykyrysã roropa, tiriiku tõkehko ahtanohpõko mase ahno napyryme, morohne arykatohme kyya xine tonahsãme.