Jo 40:12 - Ritonõpo Omiry: A Bíblia Sagrada na língua Aparai do Brasil

¹² Ajohpe pyra, epyrypaketõ eneko toto poremãkatohme, popyra exiketõ enahkatohme esarykõ po.

Jo 40:12 ပူးပေါင်းရင်းမြစ်များ

Jo 36:20

Ikohmamyry poko penetara exiko, ahno tõ enahtoh poko.

Saumu 60:12

Ritonõpo kymaro xine ahtao orẽpyra exĩko sytatose, kyzehnotokõ poremãkapõko sytatose.

Saumu 94:2

Ahno apiakaneme mase emero porehme; owõko, epyrypaketõ epehmako toto nyrihpyry emetakame.

Porowepio 15:25

Epyrypaketõ tapyĩ enahkapõko Ritonõpo mana, yrome pytỹpo tõ tapyĩ ewomãko mana.

Ekereziaxti 11:3

Akurũ xinukutume toehse ahtao konopo oehnõko mana. Mame wewe konõto emero rokẽ pona epukãko mana, yrome toepukase ahtao moroto rokẽ exĩko mana.

Izaja 10:6

Axirio tõ taropose ya imehnomo a, jomiry omipona pyra exiketõ wãnohtohme, tyekĩtapãse jexiryke toto poko. Naeroro mokaro taropose ya mõkomo arotohme te, ematonanohtohme, ahno tomo a itũtũmatohme, ikurepato htaka samo osema tao.

Izaja 13:11

Ynara ãko Ritonõpo mana: “Sero nono põkõ wãnohnõko ase popyra toto ehtoh emetakame; popyra exiketõ wãnohnõko ase iirypyrykõ epehpyryme. Imehnõ motye kure osekaroketõ ipyrypakehpõko ase, orẽpyra exiketõ imehnõ ryhmary poko poremãkapõko ase.

Izaja 2:12

Moro ẽmepyry toehse ahtao tuisamãkõ emero poremãkapõko Kuesẽkõ Jamihmehxo Exikety mana, epyrypaketõ poremãkapõko mana, imehnõ motye tuisamehxo toexirykõ se exiketõ maro.

Izaja 22:19

Omoro oũko ropa ase tuisame oehtoh poe oritohme tuisame pyra oehtohme ropa.

Izaja 23:9

Ritonõpo nexiase, Jamihmehxo Exikety, morohne poko tõsenetupuhse, epyrypaketõ ime pyra tyritohme, tuisamehxo exiketõ tosekumurukõ po porohtohme.

Izaja 63:3

Ynara ãko Kuesẽkõ mana: “Uwa epery tũtũmary sã euhkatohme ẽ ao moro sã imeimehnõ ahno tõ tytũtũmase ya, toiroro takorehmaneke pyra exiase. Toto zehno jexiryke tytũtũmase ya; toto munuru ke jupõ tysỹsỹmase, tahpirẽ ke.

Jeremia 48:29

Moape tõ epyrypaketõme mã toto. Imehnõ motye kure osekarõko mã toto. Typoko xine rokẽ osenetupuhnõko mã toto.

Tanieu 4:24

Morarame tõturuse ro Tanieu, ynara tykase ynororo: — Seromaroro moro enetupuhtoh ekarõko ase oya. Õsenehtopõpyry ãmorepatoh nexiase Ritonõpo Kapu Esẽ a taroino ehtoh poko oya, tuisa.

Tanieu 4:37

Morara exiryke ywy, tuisa Napukotonozo, “Kure mase,” ãko ase Ritonõpo Kapu Esemy a. “Tuisamehxo mase,” ãko ase eahmaryme. Inyriry emero zae nase ipunaka, epyrypaketõ poremãkapory waro roropa mana. Enara.

Tanieu 5:20

Yrome imehxo toexiry poko toepyrypase ahtao typoremãkase ropa ynororo Ritonõpo a, putupyra roropa exiryke, imehnõ pyno pyra exiryke roropa. Morara exiryke tuisame pyra tyripose ropa eya.

Zakaria 10:5

Oximõme orẽpyra exĩko mã toto soutatu tõ samo topetõkara tũtũmãko, ikurepato htaka, osema tao. Osetapãko mã toto, ywy Ritonõpo, imaro xine jexiryke, topetõkara poremãkãko mã toto kawaru po toto ahtao ro.

Marakia 4:3

Moro ẽmepyry ynyriry toehse ahtao popyra exiketõ tũtũmãko matose oruno ehtoh samo opupurukõ zopino.

Atos 1:25

yna maro aerohtohme Juta myakãme. Iirypyryme Juta toehse exiryke esaka tonyohse ropa mana.

Romanos 16:20

Ritonõpo poe torẽtyke pyra sytatose. Okynã pyra joroko tamuru akurihmõko Ritonõpo mana opupurukõ zopikoxi. Ijamitunuru enahkapõko mana ohtomazomopyra xine aehtohme. Kuesẽkõ Jezu kure oritorỹko mana.

1 Samueu 2:7

Imehnomo a etuarimatoh enehpõko Kuesẽkõ mana, yrome imehnõ tymõkomoke tyrĩko mana. Imehnõ tuisame pyra tyrĩko mana. Imehnõ tuisame tyrĩko roropa mana.