Jo 40:11 - Ritonõpo Omiry: A Bíblia Sagrada na língua Aparai do Brasil

¹¹ Epyrypaketõ eneko; toto zehno oehtoh zumakako epona xine toto tuarimatohme.

Jo 40:11 ပူးပေါင်းရင်းမြစ်များ

Jo 20:23

“Ah notuhno tuesapare ehtohme! Mokyro zehno toehtoh ke mokyro wãnohnõko Ritonõpo mana; konopo sã mokyro zehno Ritonõpo ehtoh oehnõko mana epona.

Jo 21:30

Ynara ekarõko mã toto: ‘Tohne toehse Ritonõpo ahtao, mame ahno tuãnohse ahtao eya, popyra exikety epãko mana; typynanohsẽme exĩko mana.

Jo 27:22

Tyryrykane konõto ahno ryhmãko yronymyryme toeparykõ se ahtao ro.

Jo 4:9

Tyryrykane sã konõto toto enahkãko Ritonõpo mana zehno toehtoh ke.

Jo 9:5

Tokare pyra ypy tõ syryhmãko mana esarykõ poe, zehno tahtao toto enahkapõko mana.

Saumu 144:6

Nenenehkane enehpoko ozehno exiketõ aropotohme sapararahme; pyrou tõ ekomako toto epatohme tururume.

Saumu 94:2

Ahno apiakaneme mase emero porehme; owõko, epyrypaketõ epehmako toto nyrihpyry emetakame.

Exutu 15:6

Ritonõpo, jamihmehxo oemary apotunuru wino mana, osenuruhkãko ynanase oepetõkara etohtohkary eneryke yna a.

Exutu 18:11

Seromaroro zuaro toehse ywy. Imehnõ ritõ kõ motye jamihmehxo Ritonõpo mana, Izyraeu tõ typynanohse exiryke eya Ejitu jamitunuru wino, tyyryhmase toto ahtao Ejitu põkomo a.

Izaja 2:17

Moro ẽmepyry toehse ahtao epyrypaketõ typoremãkasẽme exĩko, imehnõ motye kure osekaroketõ imehnõ namotome sã exĩko; Kuesẽkõ rokẽ tuisamehxo Exikety toahmasẽme exĩko,

Izaja 22:19

Omoro oũko ropa ase tuisame oehtoh poe oritohme tuisame pyra oehtohme ropa.

Izaja 23:9

Ritonõpo nexiase, Jamihmehxo Exikety, morohne poko tõsenetupuhse, epyrypaketõ ime pyra tyritohme, tuisamehxo exiketõ tosekumurukõ po porohtohme.

Izaja 25:11

Tomarykõ anỹnõko mã toto nakuae ytoketõ samo; yrome tõsewomarykõ kukuruhtao ro, osepynanohpyra mã mokaro epyrypaketomo, toto poremãkapõko Ritonõpo mana.

Izaja 26:5

Imehnõ motye kure osekaroketõ typoremãkase eya, ipatarykõ kaetokohxo exikety tykararahse eya, apuru tõ pipahme tyripose eya nono pona.

Izaja 42:25

Naeroro kyzehno xine toehtoh ke tuãnohse sexiatose, toetuarimase roropa sexiatose etonatoh tao. Kyzehno xine aexiry apoto sã nexiase zahnõko Izyraeu tõ rãnao. Yrome zuaro pyra sexiatose. “Otara exĩko nae?” tykase, onenetupuhpyra sexiatose ipunaka.

Jeremia 48:29

Moape tõ epyrypaketõme mã toto. Imehnõ motye kure osekarõko mã toto. Typoko xine rokẽ osenetupuhnõko mã toto.

Ezekieu 28:2

— Ahno mũkuru, pata Tiro tuisary zuruko, ywy, Ritonõpo Oesẽkõ ynara ãko ase eya: “Epyrypaketyme mase, Ritõme osekarõko mase. Ritõme sã typorohse mase tuisa apõ po, tuna konõto õmye. Ritõme oexiry se mase repe, yrome orihketyme mase; ahnome rokẽ mase Ritonõpo sã pyra.

Tanieu 4:24

Morarame tõturuse ro Tanieu, ynara tykase ynororo: — Seromaroro moro enetupuhtoh ekarõko ase oya. Õsenehtopõpyry ãmorepatoh nexiase Ritonõpo Kapu Esẽ a taroino ehtoh poko oya, tuisa.

Tanieu 4:37

Morara exiryke ywy, tuisa Napukotonozo, “Kure mase,” ãko ase Ritonõpo Kapu Esemy a. “Tuisamehxo mase,” ãko ase eahmaryme. Inyriry emero zae nase ipunaka, epyrypaketõ poremãkapory waro roropa mana. Enara.

Naum 1:6

Zehno Ritonõpo ahtao xikihme ẽpataka ehsaromepyra mã toto, isene ro ehsaromepyra sytatose emero. Zehno aexiry kuãnõko mana iporiry sã apotoimo, ẽpataka topu tõ ehmõko rokene.

Naum 1:8

Tuna zueme ehtoh samo topetõkara enahkãko mana. Tyzehno exiketõ enyohnõko mana aorihtyã esaka.

Marakia 4:1

Ynara ãko Ritonõpo Jamihmehxo Exikety: — Moro ẽmepyry oehnõko mana: epyrypaketõ emero tyahkasẽme exĩko mana, popyra exiketõ maro, onahpoty samo tonore ahtao. Tonahkasẽme exĩko mã toto ipunaka.

Ruka 18:14

— Etatoko pahne, tykase Jezu eya xine. — Mokyro rypyry rokẽ tykorokase Ritonõpo a tõsekarose exiryke eya. Yrome parixeu rypyry onykorokara toehse Ritonõpo. Ynara exiryke: “Kurehxo ywy, imehnõ sã pyra,” kananõ poremãkapõko Ritonõpo mana. Yrome: “Popyra ase,” kananõ kurãkãko rokẽ Ritonõpo mana. Orẽpyra tyrĩko roropa mana, tykase Jezu eya xine.

Teuteronomiu 32:22

Tohne jehtoh apoto zukãko sã mana, senohne emero enahkapõko mana sero nono po; ypy tõ apõ zahkãko roropa mana, ijahkapõko mana aorihtyã esary pona.

Tiaku 4:6

Yrome Tuzenu ke kyjamihtanohtorỹko Ritonõpo mana kyyrypyrykõ poko penetara kuehtohkõme. Ynara tymerose sero poko Ritonõpo omiryme: “Imehnõ motye se exiketõ akorekehkãko Ritonõpo mana, yrome imehnõ motye se pyra exiketõ rokẽ poko enupunãko Ritonõpo mana,” ãko mã Ritonõpo omiry kyya xine.