Jo 40:10 - Ritonõpo Omiry: A Bíblia Sagrada na língua Aparai do Brasil

¹⁰ Morohne riry waro awahtao tuisamehxo oexiry enepoko, saeremehxo oexiry enepoko roropa, upo kurã amurutoh sã oya.

Jo 40:10 ပူးပေါင်းရင်းမြစ်များ

1 Koronika 29:11

Imehxo mase, orẽpyra Exikety, xixi motye saerehkaneme mase, ẽmepyry motye, ypy tõ konõto sã osenuruhkapỹme mase toto rihpõme oexiryke. Emero kapu ao exiketõ, nono põkõ roropa okyryryme mã kehko. Tuisamehxo mase emero Esẽme.

Jo 39:19

“Jo, omoro hma kawaru rihpõme jamihme? Ipymyry pokona irehkyxĩ tyripose oya?

Saumu 149:4

Kuesẽkõ zamaro ipoetory tomo; imehnõ motye osekaropyra exiketõ orẽpyra tyripõko mana.

Saumu 21:5

Imehxo nase opokoino, takorehmase oya exiryke. Tanỹpose ynororo oya epe tõ motary pona: “Imehxo mase,” ãko imoihmãkõ eya, opoetoryme aexiryke.

Saumu 50:2

Saereh ãko moroto Ritonõpo mana Jerusarẽ po, pata kurã potu ipunaka.

Saumu 93:1

Ritonõpo Kuesẽkõ tuisame mana. Tuisamehxo ehtoh ke tupoke mana, tymetyke ynororo tyjamitunuru ke. Sero nono tyrise eya orẽpyra sã esaka, onysyryhmasaromepyra imehnõ mana.

Exutu 28:2

Upo tyriko, ymaro oturukety zupõme, ekarotohme orui a imehxo exiketyme aehtohme imehnõ neneryme te, kure potu aehtohme roropa.

Izaja 4:2

Morara ahtao, “Amoriry Ahtasenano” Ritonõpo Kuesẽkõ poe ahtãko jamihme te, kurã roropa. Izyraeu põkõ, isene ro exiketõ tãkye exĩko mã toto; epyrypaketõ sã exĩko mã toto Ritonõpo nekarotyã kurã poko tapoise ahtao tyya xine.

Izaja 59:17

Soutatu sã tupuropuru apurutoh ke zae ehtoh ripõko mana. Soutatu zupuhpyry ewomatoh amururu sã ipynanohnõko roropa mana. Imỹponeme sã zae pyra exiketõ wãnohnõko mana, zehno exikety sã zae pyra ehtoh kurãkãko roropa mana.

Mateu 6:13

Yna ewomako, iirypyryme yna onyripyra joroko tamuru ehtohme,” kahtoko Ritonõpo a.

1 Korĩtiu 15:54

Ynara tymerose Ritonõpo omiryme: “Nono põkõ orihzomopyra exĩko mana emero esẽme toehse jahtao,” me tymerose. Aomipona exĩko mã toto emero porehme. Orihketõ tyorõmãko Ritonõpo mana orihzomopyra toto ehtohme. Tõmihpyry ae ro orihpỹme kyritorỹko mana.