Jo 4:6 - Ritonõpo Omiry: A Bíblia Sagrada na língua Aparai do Brasil

⁶ Ritonõpo omipona oexiryke onenetupuhkehpyra exiko! Zae ehtoh poko rokẽ oexiryke kure ehtoh eraximako!

Jo 4:6 ပူးပေါင်းရင်းမြစ်များ

2 Tuisa 20:3

— Ritonõpo, yna Esemy, wenikehpyra exiko opoetoryme jehtoh poko. Õmihpyry omipona ase yronymyryme. Onyripohpyry ya tymoise ya ipunaka kokoro rokene. Mame tyxitase tãtasamaryke yronymyryme.

Jo 1:1

Uze nonory po orutua kynexine, esety Jo. Zae exikety kynexine ynororo, ajohpe pyra exiketyme ipunaka. Ritonõpo eahmaneme kynexine ynororo. Tomeseke nexiase zae pyra ehtoh poko pyra ehtohme.

Jo 13:15

Typenekehse ywy kure ehtoh eraximary poko, naeroro Ritonõpo jetaparyhtao, enetupuhnõko ro ase Jesẽme, zae jehtoh ekarõko ase ẽpataka.

Jo 16:17

Yrome imehnõ onyryhmara exiase, oturũko exiase Ritonõpo a zae rokẽ ehtoh poko.

Jo 17:15

otoko kure ehtoh eraximary ya? Onoky kure ehtoh eraximatoh enẽko nae?

Saumu 26:1

Ritonõpo Jesemy, zae exiketyme kuekaroko zae ehtoh poko jexiryke, oenetuputyryke ya roropa yronymyryme.

Saumu 27:3

Tapuruse jahtao soutatu tomo a, zuno pyra jyrĩko mase; ymaro jepetõkara etonaryhtao, Ritonõpo onenetupuhkehpyra exĩko ase.

Porowepio 14:26

Imehxo Ritonõpo enetuputyryhtao, towomaneke exĩko mase, imehnõ zuno pyra exĩko mase towomase oexiryke atapyĩ taõkõ maro.

Porowepio 3:26

Ritonõpo Oesẽ oewomãko mana, ãkorehmãko roropa mana apoitoh taka opupuru epukara ehtohme.

Izaja 33:6

Moroto typoetory tõ ewomãko mana, toto pynanohnõko mana, tuaro toto ripõko mana, emero ehtoh poko zuaro toto ripõko roropa mana. Ritonõpo imehxo enetuputyry typoetory tomo a, tineru motye kure mana eya xine.

1 Peturu 1:13

Morara exiryke ipakatyã sã ehtoko. Tuaro ehtoko. Tãkye rokẽ ehtoko Ritonõpo nekarory eraximary poko. Tynekarory kurã ekarõko kyya xine mana Jezu Kyrixtu oepyry ropa ahtao. Aepyry ropa eraximatoko. Imepỹ poko osenetupuhpyra ehtoko. Ipoko rokẽ osenetupuhtoko.

1 Peturu 1:17

“Papa,” ãko matose, õtururukohtao Ritonõpo maro. Yrome sero põkõ apiakaneme ynororo. Zae kuepehmatorỹko mana kynyrihpyrykõ eneryke tyya. Zae exiketõ epehmãko mana zae toehtopõpyry epehpyry ke. Yrome tyyrypyry poko aexityã epehmãko etuarimatoh ke iirypyrykõ epehpyryme. Naeroro aomipona ehtoko sero nono poro awahtao xine.