Jo 39:24 - Ritonõpo Omiry: A Bíblia Sagrada na língua Aparai do Brasil

²⁴ Tywyh tywyh ãko toytorykõ se toexirykõke, tururume ytõko mã toto, axiny. Rue etoryhtao etypohsaromepyra mã toto.

Jo 39:24 ပူးပေါင်းရင်းမြစ်များ

Jo 29:24

Tõseahmase ywy mokaro maro, typenekehse aexityã kurãkõ eraximary poko. Otarame jẽmyty eneryke tyya xine tõseanahtose nexiase toto.

Jo 37:20

Ywy oseosezuhpyra ase Ritonõpo maro jenahkaporyino eya.

Jo 39:23

Epozakuroko xine etakinakety sã pyrou ytõko mã kehko, warata tõkehko zemime mã kehko xixi ao.

Jo 39:25

Opore rueimo totose ahtao, aryrykatoh ke ezuhnõko mã toto; moino etonatoh pohnõko mã toto, soutatu tõ tuisary kohtary etãko roropa mã toto.

Jo 9:16

Otarame Ritonõpo kohmaryhtao ya apiakatoh taka ytotohme, mame toytose ynororo ahtao, ynara enetupuhnõko ase: jomiry onetara Ritonõpo exiry mana.

Jeremia 4:19

Sam ãko ase! Emynyhmãko ase ipunaka ukurohtao! Ukurohtao jeano tahtah ãko jamihme sã mana! Mynyhme ehsaromepyra ase. Rue totase ya exiryke, kui kui katoh tonõ roropa etonatoh poko.

Jeremia 8:6

Otato exiase õmirykõ etatohme repe, yrome zae omi ke oturupyra mexiatose. Emynyhmara mexiatose popyra oehtohkõ poko. “Oty yriase azahkuru?” kara mexiatose. Oesemarykõ ae rokẽ ytõko matose, emero porehme, kawaru samo tururume aytoryhtao etonatoh taka.

Amoxi 3:6

Rue etory etaryhtao pata põkomo a epetõkara oepyry enetupuhpotohme, tykytyky ãko mã toto. Popyra ehtoh toehse ahtao pata põkomo a moro popyra ehtoh tonehpose Ritonõpo Kuesẽkomo a.

Ruka 24:41

Yrome onenetupuhpyra ro toto, tãtãkyemarykõke itamurume, tõsenuruhkarykõke roropa. — To! tykase rokẽ toto. Mame ynara tykase Jezu eya xine: — Tohke matou? tykase.