22 Enaromyra mã toto. Oserehpyra roropa mã toto. Tapema tõ eneryhtao eramara ropa mã toto toorikyry zuno pyra toexirykõke.
Ehmokãko mana yrome tuhmo a wenikehnõko mana. Oty kara mana tyhmose ahtao.
Yrome tururume toytoryhtao axĩ ytõko mana. Kawaru eunohnõko sã mana, epo ytokety maro.
Typenekehse ahtao nono ahkãko mã toto tupupurukõ ke toytorykõ se toexirykõke tururume etonatoh pona tyjamitunurukõke.
Epozakuroko xine etakinakety sã pyrou ytõko mã kehko, warata tõkehko zemime mã kehko xixi ao.
Onoky sã nã ynororo? Imepỹ ipanõ pyra mana, tyrise ynororo imehnõ zuno pyra aehtohme.
Etatoko ke: kawaru tõ pipohnõko mã toto axihxo toto ytotohme, panaikato kahu tõ pupuru tomo! Kawaru tõ tururume oehnõko, kahu tõ maro etonatoh kyryryme oehnõko mã toto.