Jo 38:4 - Ritonõpo Omiry: A Bíblia Sagrada na língua Aparai do Brasil

⁴ “Otoko mexiahse sero nono tyrise ahtao ya? Tuaro nymyry awahtao moro poko oturuko ya.

Jo 38:4 ပူးပေါင်းရင်းမြစ်များ

Jenexi 1:1

Apitoryme kapu tyrise Ritonõpo a, nono roropa.

Jenexi 2:4

Moro sã kapu tyrise kehko, nono maro. Kapu tõkehko tyrise ahtao Ritonõpo a, sero nono maro,

Jo 15:7

“Osemazuhme aenuruhpyryme osekarõko mah? Otarame tonuruse mexiase ypy tõ exipyra ro ahtao.

Jo 28:25

Tyryrykane jamitunuru tokarose ahtao eya, tuna konõto zumo ehtoh tymerose roropa ahtao eya,

Jo 34:13

Onoky a tyjamihtanohse Ritonõpo nae? Onoky omi poe kapuaõkõ Esẽme emero toehse roropa nae?

Saumu 102:25

Pake ahtao sero nono tyrise oya, oemary ke kapu tyrise roropa oya.

Saumu 102:26

Sero nono kapu roropa enahnõko mã kehko, yrome omoro jũme isene exikehpyra exĩko mase. Sero nono kapu roropa atahnikaketyme sã mã kehko, upo samo. Mokarohne myakamãko mase upo myakãmary samo, typahsẽme exĩko mã kehko.

Saumu 104:5

Sero nono tyrise oya apõ tõ po, tũpore samo, tosary winoino jũme esyryhmara exĩko mana.

Porowepio 3:19

Sero nono tyrise Ritonõpo a tuaro toehtoh ke; tuaro toehtoh ke kapu tyrise eya esaka.

Porowepio 30:4

Onoky nae tuaro exiketyme kapu ehtoh poko emero? Onoky nae tyryrykane apoihpono tomary ke? Onoky nae tuna ãtyhtõko kamisa ke? Onoky nae sero nono ehpiry tõ meroneme? Mokyro esety waro hma? Imũkuru esety waro roropa hma? Kaxiko zuaro awahtao.

Porowepio 8:22

“Ywy, tuaro ehtoh tyrise Ritonõpo a apitoryme, inyrityã onyripyra ro pake ahtao.

Izaja 40:14

Onoky a Ritonõpo tamorepase zuarohxo ehtohme? Onoky a Ritonõpo tamorepase zaehxo ahno apiakatohme? Onoky Ritonõpo amorepãko nae itamurumehxo zuaro aehtohme, tuarohxo aehtohme roropa?

Jeremia 10:12

Tyjamitunuru ke sero nono tyrise Ritonõpo Kuesẽkomo a; tuaro toehtoh ke sero nono tyrise eya. Kapu roropa epozakoxi tyrise eya tõsenetupuhtopõpyry ae ro.

Amoxi 4:13

Ritonõpo mokyro ypy tõ Rihpono, tyryrykane Rihpono roropa. Tõsenetupuhtoh tonõ enepõko mana ahno tomo a; Saerehkatoh rĩko mana ikohmamyryme. Ytoytõko mana ypy tõ poro. Mokyro Esety: Kuesẽkõ Ritonõpo, Jamihmehxo Exikety.

Epereu 1:10

Ynara tykase roropa ynororo eya: “Oya sero nono tyrise apitoryme. Kapu roropa tyrise oya, oemary ke, Ritonõpome oexiryke.

Epereu 1:2

Morarame pake hkopyra kynoturune ropa Ritonõpo kyya xine Tumũkuru ae. Ynororo a sero nono tõkehko tyripose eya aporo, sero põkõ emero. Mame tymenekase ynororo Ritonõpo a emero esẽme ehtohme, sero nono põkõ esẽme, kapuaõkõ esẽme roropa, enara ehtohme.

1 Samueu 2:8

Tymõkomokãkara pynanohnõko Kuesẽkõ mana. Etuarimaketõ anỹnõko mana toto etuarimatohkõ poe. Toto porohkapõko mana tuisa tõ maro. Imehxo exiketõ esary ekarõko eya xine mana. Sero nono apõ esẽme Ritonõpo mana. Sero apõ po senohne tyrise eya emero porehme.