27 Onoky omi poe nono tonorẽ ehxikãko nae onahpoty ahtatohme?
Konopo enehpõko Ritonõpo mana nono pona, toitoine ahno wãnohtohme, kypyno xine toehtoh waro kuehtohkõme roropa.
Kapu poe konopo enehpõko mase ypy tõ pona, onyrityã kurã nono zamaro mana.
Onahpoty ahtanohpõko mase pui tõ napyryme, tykyrysã roropa, tiriiku tõkehko ahtanohpõko mase ahno napyryme, morohne arykatohme kyya xine tonahsãme.
Ona tonorẽ tyripose eya ikuhpo tõme, nono tonore tymyakãmase eya tuna enatyry tõme.
Akurũ ke kapu apurũko mana, konopo enehpõko mana nono pona, onahpoty ahtanohpõko roropa mana ypy tõ po.
Ona po onahpoty ahtãko, pehme mana kaneru tõ ke; somohmã po atãkyemãko roropa mã toto.