26 Onoky omi poe konopo oehnõko nae ona tonorẽ pona ahno esaka pyra?
tõmiry omipona konopo tyripose ahtao eya, tyryrykane esemary tyripose roropa ahtao eya,
“Tuna onuhmapõko mana nono poe esaka. Mame konopome moro ripõko mana.
Konopo enehpõko Ritonõpo mana nono pona, toitoine ahno wãnohtohme, kypyno xine toehtoh waro kuehtohkõme roropa.
“Onoky a konopo esemary tyrise konopo itamurume oehtohme, onoky a tyryrykane esemary tyripose roropa tyryrykane konõto ytotohme?
Konopo enehpõko Ritonõpo mana nono pona, tuna kuãnõko mana tupito tõ pona, ona pona roropa.
Ona tonorẽ tyripose eya ikuhpo tõme, nono tonore tymyakãmase eya tuna enatyry tõme.
Sero nono etyhpyry poe akurũ enehnõko mana, nenenehkane rĩko mana konopo maro, tyryrykane enyohnõko mana tykyryry tõ esary ae.
Ona po onahpoty ahtãko, pehme mana kaneru tõ ke; somohmã po atãkyemãko roropa mã toto.
Tyripose ahtao eya tuna tõ aryryãko kapu ao: akurũ tõ onuhmanohpõko mana nono etyhpyry poe. Neneneh kamexipõko mana konopo maro, tyryrykane tũtanohpõko mana esary poe.
Imehnõ nonory põkõ neponãmarykõ emero konopo onenehposaromepyra mã toto; tamoreme kapu tuna onemasaromepyra mana nono pona. Oeraximãko ynanase Ritonõpo yna Esemy, omoro rokẽ morohne riry waro oexiryke.”