Jo 38:22 - Ritonõpo Omiry: A Bíblia Sagrada na língua Aparai do Brasil

²² “Mytoase ykyryry newe kurãkatoh enese, konopoimo topu xikirimã kurãkatoh roropa?

Jo 38:22 ပူးပေါင်းရင်းမြစ်များ

Jo 37:6

Aomiry omi poe newe epukãko konopo oepyry samo nono pona, konopo itamurume jamihme roropa enehpõko mana.

Jo 38:23

Morohne kurãkãko ase etuarimatoh ehtoh pona, etonatoh pona roropa.

Jo 6:16

Osemazuhme pehme mana jerumã ke, newe maro.

Saumu 135:7

Sero nono etyhpyry poe akurũ enehnõko mana, nenenehkane rĩko mana konopo maro, tyryrykane enyohnõko mana tykyryry tõ esary ae.

Saumu 147:16

Kuenimã enehpõko mana sero nono pona topuxixime, kaneru hpoty samo; kuenimã topuru pahnõko mana putoh katoh samo.

Saumu 147:17

Konopoimo enehpõko mana topuxikiri samo, jeru kuenimano. Kõxikene sytatose exĩko kuenimã enehporyhtao eya.

Saumu 33:7

Oximõme tuna konõto tõ tyrise Ritonõpo a esaka toiro; tukurãkase kehko eya ikurãkatoh tonõ ao.

Exutu 9:18

Naeroro kokoro konopoimo enehpõko ase, topu sã exikety maro, orẽpyra exikety. Sero konopoimo onenepitopyra Ejitu põkõ mana.

Izaja 30:30

Ritonõpo Imehxo Exikety omiry osetãko imehnomo a emero, zehno toehtoh enepõko mana. Apoto zahkatõ sã exĩko, konopo itamurume, tyryrykane jamihme, konopoimo topuxikirime; tomary jamihmã anỹnõko mana toto wãnohtohme.

Ezekieu 13:11

Kaxiko eya xine: moro apuru epukãko mana. Konopo itamurume enehpõko ase, topuxikiri panõ maro, tyryrykane jamihme exikety maro moro apuru pona.

Ezekieu 13:13

Seromaroro ynara ãko Ritonõpo Kuesẽkõ mana: — Ozehno xine jexiryke tyryrykane jamihme exikety enehpõko ase konopo maro itamurume, topuxikiri panõ maro moro apuru emapotohme.

Jozue 10:11

Mame toto eparyhtao, tokahmase toto ahtao Izyraeu tomo a, tururume toto yhtoryhtao ypy esemary ae, Pete-Horõ poe Azeka pona, topu tõ jerumã konõto tomase Ritonõpo a, kapu ae toto pona. Ahno tuhkehxo totapase konopoimo a jerumã maro, tuhke hkopyra totapase Izyraeu tomo a.

Apokaripxi 16:21

Konopoimo tooehse tytopuke tũpore topu konõto samo, omoxĩ roropa. Toiro topu 45 kiru samo. Kapu ae toepukase ahno pona. Mame Ritonõpo tykerekeremase ahno a moro konopoimo pokoino, popyra eya xine exiryke ipunaka.