Jo 38:17 - Ritonõpo Omiry: A Bíblia Sagrada na língua Aparai do Brasil

¹⁷ Omõtoh tonõ aorihtyã esaka tonepose oya imepyny a? Moroto mã xinukutume konõto ikohmamyry enahpỹme mana.

Jo 38:17 ပူးပေါင်းရင်းမြစ်များ

Jo 10:21

ytopyra ro jahtao, oehpyra ropa jehtoh pona, ytopyra ro jahtao kohmãtoh pona, xinukutume ehtoh pona,

Jo 11:8

Kapu atapurupyra mana Ritonõpo omõpyra ehtohme. Yrome morotona ytosaromepyra mase. Aorihtyã esary waro Ritonõpo mana. Yrome moro waro pyra mase.

Jo 12:22

Saerehkatoh aropõko mana, tonẽse exiketõ xinukutumao enepotohme. Saereh kamexipõko mana tykohmãse itamurume ahtao.

Jo 26:6

Ritonõpo a aorihtyã esary totapuruhmakase mana; apuru pyra mana, morohne enẽko mana.

Jo 3:5

Moro ẽmepyry kohmanohpory se ase, xinukutume rokẽ ehtohme, moro ẽmepyry oxiõtory se ase akurũ tõ ke, xixi ezehkatohme.

Jo 34:22

Osa pyra mana, otonẽtohme xinukutumehxo exikety, iirypyryme exikety otonẽtohme onenepyra Ritonõpo ehtohme.

Saumu 107:10

Toitoine ikohmamyry ao toh nexiase, xinukutume ehtoh ao, tyrohmanohpose ãpuruhpyry tao, tymyhse keti kurimene risẽ ke,

Saumu 107:14

Touse toto eya moro kohmamyry poe, tymyhpokase ropa eya, keti tõ tamohse eya.

Saumu 107:18

tõtukurukõ se pyra toehse, takuruhtase toh nexiase, ameke pyra toehse toorikyrykõ poko.

Saumu 116:3

Jorihmapotoh jomye nexiase ameke pyra. Tapuruse exiase jerehtoh ke jorikyry zuno jexiryke, enaromỹke exiase torẽtyke roropa ipunaka.

Saumu 23:4

Jemynyhmaryhtao yronymyryme enaromyra ase ymaro oexiryke, Ritonõpo Jesemy; jewomãko mase, zae tyritoh enepõko mase ya azamaro jehtohme.

Saumu 9:13

Ritonõpo Jesemy, kuewomako, kypynanohko! Josanumary eneko jepetõkara a, yzehno exiketomo a. Kypynanohko orihpyra jehtohme.

Amoxi 5:8

Xirikuato tõ tyrise Ritonõpo a, Kuesẽkomo, Puripurikane tomo, Oseruao Maria tõ roropa. Koko ehtoh ẽmehkapõko mana, saereme ehtoh kohmãkapõko roropa mana. Tuna konõto zumyhkãko mana aekuãtohme nono pona. Mokyro esety Ritonõpome mana.

Mateu 4:16

Ritonõpo waro pyra exiketõ ezuru konõto enẽko mana. Orihketõme matose tyyrypyhpyke oexirykõke. Yrome Ritonõpo nymenekahpyry oya xine ytõko mana. Otuarõtanohtorỹko mana,” me tymerose pake Izaja a.

Apokaripxi 1:18

Orihpỹme exiketyme ase. Jorikyase repe. Yrome eneko ke, orihpỹme ase jũme. Orihtoh esẽme ase, aorihtyã esẽme roropa.