Jo 38:12 - Ritonõpo Omiry: A Bíblia Sagrada na língua Aparai do Brasil

¹² “Jo, isene awahtao sero nono po ẽmepyry tonehpose oya saereh kapitotohme?

Jo 38:12 ပူးပေါင်းရင်းမြစ်များ

Jenexi 1:5

Moro tosehpase eya saeremãme, moro xinukutumã tosehpase eya “kokome”. Morarame tõmehse rahkene, moro aẽmehpitory osemazupu kynexine.

Jo 15:7

“Osemazuhme aenuruhpyryme osekarõko mah? Otarame tonuruse mexiase ypy tõ exipyra ro ahtao.

Jo 24:16

Koko, imehnõ tapyĩ taka omõnõko omato kõ mana. Ytoytopyra mã toto saereme ahtao, saereme ehtoh se pyra toexirykõke.

Jo 38:11

Ynara tykase ywy eya: ‘Oehnõko mase tarona rokene, mya ytopyra mase. Pohkane tõ kaetokohxo exiketõ mã etypohnõko kehko taro.’

Jo 38:13

Xixi tõmehkapose oya nae sero nono po popyra exiketõ erehtohme toto ahpahpotohme aotonẽtohkõ tae?

Jo 38:21

Otarame morohne waro mase tamuhpõme oexiryke, pake tonuruse oexiryke sero nono onyripyra ro ahtao.

Jo 38:4

“Otoko mexiahse sero nono tyrise ahtao ya? Tuaro nymyry awahtao moro poko oturuko ya.

Jo 8:9

Pake hkopyra tonuruse kymarokomo, tuaro pyrahme sã sytatose. Isene sytatose sero nono po axĩtao rokene jerutumã samo.

Saumu 74:16

Ẽmepyry tyrise oya ikohmamyry roropa, xixi tyrise oya esaka, nuno roropa, xirikuato tõ roropa emero tosaka xine.

Amoxi 5:8

Xirikuato tõ tyrise Ritonõpo a, Kuesẽkomo, Puripurikane tomo, Oseruao Maria tõ roropa. Koko ehtoh ẽmehkapõko mana, saereme ehtoh kohmãkapõko roropa mana. Tuna konõto zumyhkãko mana aekuãtohme nono pona. Mokyro esety Ritonõpome mana.

Ruka 1:78

Ynara exiryke, kypyno xine Ritonõpo mana, iirypyryme ro kuahtao xine, poeto pitiko pyno jũkõ ehtoh samo. Naeroro xixi ẽmepyry sã mokyro Kypynanohnekõ oehnõko mana.

2 Peturu 1:19

Apitoryme Ritonõpo poe urutõ kõ ekepyã omihpyry tonetupuhse yna a. Morarame Ritonõpo omiry etaryke yna a kaino itamurumehxo tonetupuhse yna a. Etatoko pahne, Ritonõpo poe urutõ kõ omihpyry poko wenikehpyra ehtoko. Nãparina sã aomihpyrykõ mana. Nãparina saereh ãko xinukutume ahtao ẽmepyry pona. Ẽmehsasaka ahtao Maparukawa enẽko sytatose. Moro saaro Jezu Kyrixtu oehnõko ropa mana. Mokyro omihpyry kutuarõtanohtorỹko mana Kuesẽkõ oehtãne. Naeroro aepyry ropa imomohtoko. Tooehse ynororo ahtao emero motye imehxo aexiry enẽko matose.