Jo 37:5 - Ritonõpo Omiry: A Bíblia Sagrada na língua Aparai do Brasil

⁵ Ritonõpo omiry takararahãko mana; tyjamitunuru ke imehxo exiketõ rĩko mana, morohne onenetupuhsaromepyra sytatose.

Jo 37:5 ပူးပေါင်းရင်းမြစ်များ

Jo 11:7

“Imehxo Ritonõpo ehtoh tonẽse mana. Moro enery se mahno? Emero Ritonõpo Jamihmehxo Exikety ehtoh poko zuaro ehsaromepyra mase.

Jo 26:14

Yrome moro enetupuhpotoh pitiko rokẽ mã kehko, puti puti katoh sã rokẽ inyriry waro kuehtohkõme. Ijamitunuru nymyry imehxo ehtoh waro ehsaromepyra ahno mana.”

Jo 36:26

Ritonõpo imehxo kuhse mana. Zumo aexiry waro ehsaromepyra sytatose. Otãto jeimamyry nae ynororo? Moro onukuhsaromepyra sytatose.

Jo 37:14

“Etako pahne, Jo, osenetupuhko aporo Ritonõpo nyriry kurã poko.

Jo 37:16

Zuaro hma otãto akurũ tõ tyhwyme exĩko nae kae? Morohne mã enetupuhtohme tuarohxo Ritonõpo ehtoh poko.

Jo 37:2

Etatoko ke Ritonõpo omiry poko, aomiry konomeru sã tũtãko mã ĩtae.

Jo 37:4

Moromeĩpo omi konõto osetãko mana, panaikato konõto, konomeru exiry samo; moro toehse ahtao nenenehãko ro mana.

Jo 40:9

Ajamitunuru ekarõko mah yjamitunuru samo? Õmiry ke konomeru riry waro mahno panaikato konõto, jomiry samo?

Jo 5:9

Inyriry tõ osenuruhkatoh enetupuhsaromepyra sytatose. Inyrihpyry tõ tyjamitunuru ke enahpỹme mã kehko.

Jo 9:10

Onenetupuhsaromepyra sytatose emero Ritonõpo nyrityã kurano. Inyrityã poko osenuruhkãko sytatose. Inyrityã tyjamitunuru ke enahpỹme mana, ikuhpỹme roropa mana.

Saumu 18:14

Pyrou tokomase eya, sapararahme topetõkara taropose toto eya; nenenehkane ke tonepanohpose toto.

Saumu 29:3

Ritonõpo omiry osetãko mana tuna tõ epoe; Ritonõpo Imehxo Exikety takararahãko mana, tuna konõto epoe aomiry osetãko mana.

Ekereziaxti 3:11

Ritonõpo nyrityã emero kure potu mana, toto ehtoh toehse ahtao. Isene exikehpyra ehtoh tyrise roropa eya kukurohtaka xine. Yrome inyrityã emero onenetupuhpyra sytatose.

Izaja 40:28

Zuaro pyra hmatou? Onetapitopyra hmatou sero poko? Kuesẽkõme mã Ritonõpo, jũme exikehpyra Exikety. Tytororo sero nono rihpõme mã ynororo. Etaehpyra mã ynororo, apotũkehpyra roropa; tuaro aexiry onukuhsaromepyra imehnõ mana.

Romanos 11:33

Kure kuhse Ritonõpo mana imehnõ motye emero. Tuaro kuhse roropa ynororo. Emero ehtoh waro mana. Ritonõpo osenetupuhtoh waro pyra sytatose ipunaka. Ayaytory waro pyra roropa sytatose ipunaka.

Apokaripxi 15:3

Eremiãko roropa toh nexiase Moeze, Ritonõpo poetory nymerohpyry ae. Kaneru mũkuru poko eremiãko roropa toh nexiase. Ynara nase toto: “Papa Kapuaono, Ritonõpo imehxo mase. Onyrityã kure kuhse mana. Orẽpyra mase. Pata tamuru esẽ mase. Zae mase. Ajohpe pyra mase onyrityã poko.