Jo 37:3 - Ritonõpo Omiry: A Bíblia Sagrada na língua Aparai do Brasil

³ Nenenehkane aropõko mana nono etyhpyry poe imepỹ etyhpyry pona, emero rokẽ pona roropa kapu zopikoko.

Jo 37:3 ပူးပေါင်းရင်းမြစ်များ

Jo 28:24

Sero nono etyhpyry tõ eneryke eya, emero osa tõ enẽko mana, sero nono põkõ nyriry roropa emero enẽko mana.

Jo 28:26

tõmiry omipona konopo tyripose ahtao eya, tyryrykane esemary tyripose roropa ahtao eya,

Jo 37:11

Akurũ tõ atanonohnõko mana konopo maro, nenenehkane emãko mana kapu zopikoko.

Jo 37:12

Ritonõpo omi poe, sapararahme ytõko akurũ tõ mana emero rokẽ ehtoh tonõ pona. Ritonõpo nyripohpyry ae ro exĩko mana, emero porehme, sero nono pona.

Jo 37:4

Moromeĩpo omi konõto osetãko mana, panaikato konõto, konomeru exiry samo; moro toehse ahtao nenenehãko ro mana.

Jo 38:13

Xixi tõmehkapose oya nae sero nono po popyra exiketõ erehtohme toto ahpahpotohme aotonẽtohkõ tae?

Jo 38:35

Nenenehkane enepory waro hma aropotohme, ynara kaxĩpo oya: ‘Taro ynanase õmiry omipona ehtohme?’

Saumu 77:13

Ritonõpo, onyrityã emero kure mana. Imepỹ ritõ asã pyra mã ipunaka, Imehxo Exiketyme mase.

Saumu 97:4

Neneneh katoh sero nono zeipõko mana. Moro eneryke sero nono põkõ tykytyky ãko mã toto.

Izaja 11:12

Pãteira anỹnõko Ritonõpo mana enetupuhpotohme oximõme Izyraeu tõ enehtohme Juta tõ maro sapararahme aexityã sero nono poro porehme; toto enehnõko ropa mana inonorykõ pona ropa.

Mateu 24:27

Kapu ae Ayhtohpyry oepyry ropa nenenehkane sã exĩko mana. Nenenehkane ahtao kapu zopikoko saereh ãko mana emero tonesẽme, xixi tũtatoh wino exikety sã xixi omõtoh pona. Moro saaro Kapu ae Ayhtohpyry oepyry ropa exĩko mana, emero ahno neneryme.

Apokaripxi 11:19

Mame Ritonõpo maro oturutoh kurã totapuruhmakase kapu ao. Ritonõpo nymeropohpyry ẽ tonese moro tao. Typoetory tõ pyno Ritonõpo exiry enetupuhtoh moro. Mame neneneh tykase, takararah tykase, panaikato, konomeru maro. Nono kywyh kywyh tykase, konopoimo itamurume topu sã xiriri tykase, enara.