Jo 37:23 - Ritonõpo Omiry: A Bíblia Sagrada na língua Aparai do Brasil

²³ Ritonõpo Jamihmehxo Exikety jamihme kuhse mana, naeroro oehsaromepyra sytatose ipũtokoxi, zae rokẽ mana, ahno onyryhmara mana.

Jo 37:23 ပူးပေါင်းရင်းမြစ်များ

Jo 11:7

“Imehxo Ritonõpo ehtoh tonẽse mana. Moro enery se mahno? Emero Ritonõpo Jamihmehxo Exikety ehtoh poko zuaro ehsaromepyra mase.

Jo 11:8

Kapu atapurupyra mana Ritonõpo omõpyra ehtohme. Yrome morotona ytosaromepyra mase. Aorihtyã esary waro Ritonõpo mana. Yrome moro waro pyra mase.

Jo 25:2

“Ritonõpo jamihme mana. Imehxo aexiry senetupuhtone; Ritonõpo poe osepeme emero kapuaõkomo.

Jo 26:14

Yrome moro enetupuhpotoh pitiko rokẽ mã kehko, puti puti katoh sã rokẽ inyriry waro kuehtohkõme. Ijamitunuru nymyry imehxo ehtoh waro ehsaromepyra ahno mana.”

Jo 36:26

Ritonõpo imehxo kuhse mana. Zumo aexiry waro ehsaromepyra sytatose. Otãto jeimamyry nae ynororo? Moro onukuhsaromepyra sytatose.

Jo 36:3

Tuaro jehtoh pitiko rokẽ pyra mana. Moro ke enetupuhpõko ase oya zae Ritonõpo ehtoh poko, Jyrihpono.

Jo 36:5

“Jamihmehxo Ritonõpo mana! Imehnõ onyhtomara mana. Emero ehtoh waro mana.

Jo 37:19

Yna amorepako kure oturutohme eya, moro poko onenetupuhpyra yna exiryke.

Jo 37:22

Inikahpozakoxi saereh ãko mana uuru zemime exikety samo. Ritonõpo saerehkatoh imehxo ehtoh eneryke eahmary se sytatose.

Jo 8:3

Ritonõpo zae ehtoh onytyorõmara mana. Ritonõpo Jamihmehxo Exikety popyra ehtoh onyripyra mana.

Jo 9:19

Jamihme ehtoh kuhnõko ha? Jamihme Exiketyme mana. Ikohmaryhtao apiakane ẽpataka, onoky Ritonõpo enehpõko nae apiakane ẽpataka?

Jo 9:4

Tuarohxo Exiketyme mã ynororo, Jamihmehxo Exiketyme roropa. Atatapoiry se ahno ahtao imaro, onyporemãkasaromepyra mana.

Saumu 145:3

Imehxo Kuesẽkõ mana, eahmary kyya xine kure mana; imehxo aexiry kuosenetupuhtohkõ motye mana.

Saumu 30:5

Zehno Ritonõpo ehtoh axĩtao rokẽ mana, yrome kure aexiry exikehpyra mana isene ro kuahtao xine. Kyxitarykõ poko ẽmehnõko sytatose repe, yrome tõmehse ahtao atãkyemãko ropa sytatose.

Saumu 62:11

Ynara tykase Ritonõpo ynetaryme: “Ywy ro rokẽ jamihme ase,

Saumu 62:12

ywy ro rokẽ opyno xine ase roropa.” Naeroro omoro, Ritonõpo, yna epehmãko mase ynanyrihpyry emetakame.

Saumu 65:6

Ypy tõ tosaka tyrise oya ajamitunuru ke, moro ke jamihmehxo oehtoh tonepose oya.

Saumu 66:3

Ynara kahtoko eya: “Onyrityã pokoino osenuruhkãko ynanase! Ajamitunuru imehnõ jamitunuru motye exiryke, emero ozehno exiketõ tosekumuru po porohnõko mã toto oẽpataka.

Saumu 93:1

Ritonõpo Kuesẽkõ tuisame mana. Tuisamehxo ehtoh ke tupoke mana, tymetyke ynororo tyjamitunuru ke. Sero nono tyrise eya orẽpyra sã esaka, onysyryhmasaromepyra imehnõ mana.

Saumu 99:4

Tuisa orẽpyra Exikety, zae ehtoh sehxo mase; Izyraeu tomo a zae ehtoh tonehpose oya, ajohpe pyra ehtoh tyripose roropa oya, jamihme pyra exiketõ ewomatohme eya xine.

Ekereziaxti 3:11

Ritonõpo nyrityã emero kure potu mana, toto ehtoh toehse ahtao. Isene exikehpyra ehtoh tyrise roropa eya kukurohtaka xine. Yrome inyrityã emero onenetupuhpyra sytatose.

Ekereziaxti 7:24

Otãto zuaro exĩko sytatou: oty katoh isene kuexirykomo? Moro tupime ya, enetuputyry morohne poko tupime rahkene.

Izaja 45:21

Osekarotoko apiakatoh tao; oturutoko oseya ise awahtao xine. Onoky a tokarose pake, senohne poko? Ywy exiase, Ritonõpo, typoetory tõ pynanohne; imepỹ ritõ pyra mana.

Izaja 63:9

toto etuarimatoh wino. Eya nymyry typynanohse toto, inenyokyhpyry kara, imepỹ urutõ a pyra roropa. Toto pyno toexiryke toto wãnopyry se pyra toexiryke roropa typynanohse toto eya; kokoro rokẽ tanỹse toto eya, tonao tanỹse roropa toto eya, jeimamyry punero.

Ezekieu 18:23

“Popyra exiketõ orikyry yzamaro, ekarõko matou?” ãko Ritonõpo mana. Arypyra! Tyyrypyry rumekary eya isene aehtohme. Moro yzamaro mana.

Ezekieu 18:32

Oorikyrykõ se pyra ase ipunaka! ãko Ritonõpo mana. Naeroro oorypyrykõ poko pyra ehtoko isene oehtohkõme.

Ezekieu 33:11

Mame ynara kaxiko eya xine: Ywy, Ritonõpo Oesẽkõ, jũme isene Exiketyme ase. Iirypyrymãkõ orikyry yzamaro pyra mana. Tyyrypyrykõ rumekary sehxo hano eya xine isene toto ehtohme. Izyraeu tomo, oorypyrykõ poko oehtohkõ etypohkatoko. Oty katohme oorikyrykõ se rokẽ hmatou?

Mateu 6:13

Yna ewomako, iirypyryme yna onyripyra joroko tamuru ehtohme,” kahtoko Ritonõpo a.

Ruka 10:22

Mame ynara tykase roropa Jezu eya xine: — Emero Papa kynekarone ya. Ritonõpo mũkuru waro pyra matose repe. Papa rokẽ juaro mana. Papa waro pyra roropa matose. Ywy imũkurume jexiryke zuaro ase. Ynymenekatyamo a roropa Papa enepõko ase zuaro toto ehtohme, tykase Jezu eya xine.

Romanos 11:33

Kure kuhse Ritonõpo mana imehnõ motye emero. Tuaro kuhse roropa ynororo. Emero ehtoh waro mana. Ritonõpo osenetupuhtoh waro pyra sytatose ipunaka. Ayaytory waro pyra roropa sytatose ipunaka.

1 Timoteu 6:16

Ynoro rokẽ orihpỹme mana jũme. Saereme konõto esary mana. Xixi motye reh mahna. Imehnõ eya ytosaromepyra mana. Mokyro onenepitopyra sytatose osenepỹme aexiryke. “Kure mokyro mana. Kuesẽkõme mana jũme,” sykatone.

Epereu 12:10

Kumykõ sero põkõ kutuarimanohpotone tuhke pyra jeimamyry, tõsenetupuhtoh poe rokene. Yrome kutuarimapotorỹko Ritonõpo mana kypyno xine toexiryke, zae kuhse kuehtohkõme tysaaro.